ემირ კუსტურიცა
ემირ კუსტურიცა (სერბ. Емир Кустурица; დ. 24 ნოემბერი, 1954, სარაევო) — სერბი კინორეჟისორი; მსახიობი და მუსიკოსი. მას ბალკანელ ფელინის უწოდებენ. საერთაშორისო აღიარება მოუტანა ფილმებმა „ბოშათა დრო“, „როცა მამა საქმეზე იყო წასული“, „არიზონას ოცნება“ და „მიწისქვეშეთი“. „არიზონას ოცნება“ იყო მისი პირველი ინგლისურენოვანი ფილმი, რომელიც ჰოლივუდში გადაიღო ამერიკელი მსახიობების მონაწილეობით. მისმა 1998 წლის ფილმმა „შავი კატა, თეთრი კატა“ 1998 წლის ვენეციის კინოფესტივალზე სამი ჯილდო მოიპოვა.
| ემირ კუსტურიცა | |
|---|---|
 | |
| დაბადების თარიღი |
24 ნოემბერი, 1954 სარაევო, იუგოსლავია |
| საქმიანობა | რეჟისორი, სცენარისტი |
| აქტიური | 1978-დღემდე |
| ჯილდოები |
ოქროს პალმის რტო |
ფილმოგრაფია
რედაქტირება- გერნიკა, 1978, მოკლე
- გახსოვს დოლი ბელი? (Sjećaš li se, Dolly Bell), 1981
- როცა მამა საქმეზე იყო წასული (Otac na službenom putu), 1985
- ბოშათა დრო (Dom za vešanje), 1988
- არიზონას ოცნება, (Arizona Dream) 1993
- მიწისქვეშეთი, (Underground) 1995
- შავი კატა, თეთრი კატა (Crna mačka, beli mačor), 1998
- სუპერ 8 ისტორია, 2001, დოკუმენტური
- ცხოვრება საოცრებაა (Život je čudo), 2004
- მარადონა, 2008, დოკუმენტური
- ანდერძი (Zavet) 2007
ჯილდოები
რედაქტირება- გერნიკა, 1-ლი პრემია სტუდენტურ კინოფესტივალზე კარლოვი ვარიში, (1978)
- გახსოვს დოლი ბელი?, ოქროს ლომი ვენეციის კინოფესტივალზე, (1981)
- როცა მამა საქმეზე იყო წასული, ოქროს პალმის რტო კანის კინოფესტივალზე, ფიპრესის ჯილდო, ნომინაცია ოსკარისთვის საუკეთესო უცხოენოვან ფილმზე, (1985)
- ბოშათა დრო, კანის კინოფესტივალის ჯილდო საუკეთესო რეჟისორი, (1989)
- არიზონას ოცნება, ვერცხლის დათვი ბერლინის კინოფესტივალზე, (1993)
- მიწისქვეშეთი, ოქროს პალმის რტო კანის კინოფესტივალზე, (1995)
- ცხოვრება საოცრებაა, საფრანგეთის განათლების სისტემის კინოპრემია კანის კინოფესტივალზე (2004)
- საუკეთესო ევროგაერთიანების კინოფილმი სეზარის დაჯილდოებაზე, (2005)
- ხისქალაქი (Drvengrad), ფილიპ როტიეს ევროპული არქიტექტურის ჯილდო, (2005)