ეთნიკური რელიგია
ეთნიკური რელიგია — ტერმინი რელიგიათმცოდნეობაში, რომელიც გამოიყენება იმ რელიგიათა მიმართ, რომლებიც დაკავშირებულია ერთ რომელიმე ეთნიკურ ჯგუფთან. ეთნიკური რელიგიებს განასხვავებენ რელიგიებისგან, რომლებიც არ შემოიფარგლება ეთნიკური თუ ნაციონალური თვალსაწიერით, როგორც მაგალითად, ქრისტიანობა და ისლამი.[1] გლობალური რელიგიების ზოგიერთ ლოკალიზებულ დენომინაციას მხოლოდ კონკრეტული ეთნიკური ჯგუფი მისდევს, მაგალითად, ასურელები, რომლებიც ქრისტიანობის დენომინაციურ სტრუქტურას — აღმოსავლეთის ასურულ ეკლესიას მისდევენ.
ეთნიკური რელიგიები განსხვავებულია თავიანთი ურთიერთობებით კონკრეტულ ეთნიკურ ჯგუფთან და ხშირად ეთნიკური იდენტობისადმი სოლიდარულ ფორმას იღებს.[2] ზოგიერთი ეთნიკური რელიგია რიცხობრივად ძალიან ძლიერია, მაგალითად, ინდუიზმი ინდოელებში, იუდაიზმი ებრაელებში, შენიზმი ჩინელებში, შინტოიზმი იაპონელებში. ხშირად, დიასპორული ჯგუფები ეთნიკურ რელიგიას ინარჩუნებენ, რითაც ცდილობენ შეინარჩუნონ განსხვავებული ეთნიკური იდენტობა, როგორც ეს კარიბის ზღვის აუზში მცხოვრები ინდოელების შემთხვევაშია,[3] რომლებიც ინდუიზმს აღიარებენ ან აფრო-ამერიკელებში, რომლებიც ტრადიციულ აფრიკულ რელიგიებს მისდევენ.[4]
ზოგმა უძველესმა ეთნიკურმა რელიგიამ, მაგალითად, რომლებიც ევროპის მოდერნისტულ ხანამდე ჩამოყალიბენდნ, ახალი სიცოცხლე ნეოპაგანიზმში ჰპოვეს.[5] გარდა ამისა, ისეთი არაეთნიკური რელიგია, როგორიცაა ქრისტიანობა, ცნობილია, რომ იძენს ეთნიკურ თვისებებს იმის აღსანიშნავად, რომ მან დიდი როლი შეასრულა ამ ერის ეთნიკური იდენტობის ჩამოყალიბებაში.[6]
სქოლიო
რედაქტირება- ↑ Hinnells, John R. (2005). The Routledge companion to the study of religion. Routledge, გვ. 439–440. ISBN 0-415-33311-3. ციტირების თარიღი: 2009-09-17.
- ↑ (2011) Ethnicity and Religion: Intersections and Comparisons. London: Routledge. ISBN 978-1-138-88037-5.
- ↑ van der Veer, Peter; Steven Vertovec (April 1991). „Brahmanism Abroad: On Caribbean Hinduism as an Ethnic Religion“. Ethnology. 30 (2): 149–166. doi:10.2307/3773407. JSTOR 3773407.
- ↑ Oduah, Chika. (19 October 2011) Are blacks abandoning Christianity for African faiths?. ციტირების თარიღი: 27 May 2016
- ↑ Lewis, James R. (2004). The Oxford Handbook of New Religious Movements. New York: Oxford University Press. ISBN 978-0-195-36964-9.
- ↑ Chong, Kelly H. (1997). „What It Means to Be Christian: The Role of Religion in the Construction of Ethnic Identity and Boundary Among Second- Generation Korean Americans“. Sociology of Religion. 59 (3): 259–286. doi:10.2307/3711911. JSTOR 3711911.