ევროვიზიის ეროვნული შერჩევა (უკრაინა)
ევროვიზიის ეროვნული შერჩევა — მუსიკალური კონკურსი, ორგანიზებულია ტელეკომპანია NOTU-ს მიერ (STB-თან ერთად), რომელიც განსაზღვრავს უკრაინის წარმომადგენელს ევროვიზიის სიმღერის კონკურსზე. უკრაინულმა შოუმ პირველ წელს დაამყარა რეკორდი SMS ხმის მიცემის მხრივ, მიიღო 344,268 უნიკალური ხმა, აქედან 37,77%-მა მხარი დაუჭირა ჯამალას. NOTU უზრუნველყოფს ონლაინ მაუწყებლობას უცხოელებისთვის ინგლისურენოვანი კომენტატორით. 2018 წლიდან 2020 წლამდე ევროვიზიის სიმღერის კონკურსის ეროვნული შერჩევის ყველა ტრანსლაცია პირდაპირ ეთერში გადიოდა STB, პირველი ტელეარხებით და ინტერნეტით.[1]
2021 წელს, ტელეკომპანია „STB“-მ და ეროვნულმა მაუწყებელმა „პერვიმ“ შეწყვიტეს თანამშრომლობა, შესაბამისად „STB“ მონაწილეობას აღარ მიიღებდა ეროვნულ შერჩევაში. აქედან გამომდინარე გამოცხადდა, რომ 2022 წელს ევროვიზიის შესარჩევი კონკურსი ჩვეულ ფორმატში არ ჩატარდებოდა და ეროვნული შერჩევა შემოიფარგლებოდა მხოლოდ ფინალით.
წესები
რედაქტირებაწინასწარი შერჩევა
რედაქტირებაევროვიზიის კონკურსის ეროვნულ შერჩევაში მონაწილეობის მისაღებად საჭიროა მხოლოდ ორიგინალური სიმღერის წარდგენა, რომელიც არსად არ უნდა იყოს გასაჯაროვებულა წინა წლის 1 სექტემბრამდე. წინასწარ შერჩევაში მონაწილეობა შესაძლებელია ორი გზით: მონაწილეობის მისაღებად კონკურსანტი აგზავნის განაცხადს CJSC "MMTS-STB" და NTKU ვებსაიტებზე სპეციალური ფორმის გამოყენებით ან მიდის შესარჩევ ეტაპზე უკრაინის ექვსი ქალაქიდან ერთ-ერთში.(ზაპოროჟიე, ხარკოვი, ოდესა, ლვოვი, დნეპრი, კიევი).
კონკურსის ერთ-ერთი ფინალისტი დგინდება ონლაინ ხმის მიცემის შედეგების მიხედვით. საიტის ვიზიტორებს შეუძლიათ ხმის მიცემა მონაწილის პროფილის ქვეშ შესაბამისი „ლაიქების“ საშუალებით. ხმის მიცემა საიტზე მხოლოდ უკრაინის ტერიტორიაზე მყოფ ადამიანებს შეუძლიათ. სხვა ქვეყნებიდან ხმის მიცემა შეუძლებელია. ონლაინ ხმის მიცემისათვის განცხადებების მიღება 1 სექტემბრიდან 10 იანვრის ჩათვლით ხორციელდება. ამ პერიოდის განმავლობაში ნებისმიერ მსურველს შეუძლია გამოაგზავნოს განაცხადის ფორმა.
ნახევარფინალი
რედაქტირებანახევარფინალი შედგება ოთხი ან სამი ტურისგან და ფინალური ტურის გამარჯვებულის გამოცხადებით მთავრდება. თითოეულ ტურში მონაწილეობს 7-12 მონაწილე, ამიტომ პირველი ეტაპის თითოეული გამარჯვებული მონაწილეობას იღებს ნახევარფინალში მხოლოდ ერთხელ. შერჩევის მე-2 ეტაპზე თითოეული კონკურსანტის გამოსვლის დასრულების შემდეგ ჟიურის წევრებს უფლება აქვთ კომენტარი გააკეთონ კონკურსანტის გამოსვლაზე, მისცენ რჩევა და წარმატება უსურვონ. შერჩევის შემდეგ ეტაპზე გადადიან ნახევარფინალისტები, რომლებსაც ერთობლივად განსაზღვრავს ჟიური და მაყურებელი. ნახევარფინალის გამარჯვებულების გამოცხადება ხდება კონკრეტულად ნახევარფინალის დღეს. ნახევარფინალის შედეგად ხდება 7-დან 12-მდე ნახევარფინალის გამარჯვებულის დასახელება, თითო ნახევარფინალური ტურიდან — 2-3 გამარჯვებულია.
ნახევარფინალი პირდაპირ ეთერში გადაიცემა STB და UA: First TV არხებით.
2022 წელს მხოლოდ სატელევიზიო არხის მთავარი მაუწყებელი „UA: First“ იყო ჩართული შერჩევის ორგანიზებასა და მაუწყებლობაში, რის გამოც ნახევარფინალი ჩაიშალა.
ფინალი
რედაქტირებაფინალში მონაწილეობის უფლება მხოლოდ ნახევარფინალის გამარჯვებულებს აქვთ. გამარჯვებულს ჟიური და შერჩევაში მონაწილე მაყურებელი ერთობლივად განსაზღვრავს ხმის მიცემის მიხედვით. ფინალის ერთადერთი გამარჯვებული წარმოადგენს უკრაინას ევროვიზიაზე. გამარჯვებულის გამოცხადება ხდება პირდაპირი ეთერით. შერჩევის ფინალი პირდაპირ ეთერში გადაიცემა STB და UA: First TV არხებით. 2022 წლიდან კი — მხოლოდ "UA: First" არხით.
სკანდალები
რედაქტირებამას შემდეგ, რაც გაჩნდა ინფორმაცია, რომ ალინა პაში მონაწილეობას მიიღებდა ევროვიზიის 2022 წლის ეროვნულ შერჩევაში, ბევრმა ის დაადანაშაულა წესების დარღვევაში, ამტკიცებდა, რომ 2015 წელს იგი ყირიმში რუსეთის გავლით შევიდა, რაც აკრძალულია კონკურსის შერჩევის წესების მიხედვით.[2]
ევროვიზიის 2022 წლის ეროვნული შერჩევისას ხმის მიცემისას ტექნიკური პრობლემები წარმოიშვა: აირია მონაწილეთა ქულები Cloudless, Our Atlantic, Barleben და Michael Soul. ასევე დაიკარგა შედეგების ტაბლო. ამის შემდეგ „Суспiльне“ შედეგების გაყალბებაში დაადანაშაულეს, ხოლო ჯგუფმა KALUSH განაცხადა, რომ უჩივლებდა „Суспiльне»“, რადგან დარწმუნებულები იყვნენ შედეგების გაყალბებაში და თვლიდნენ, რომ მათ გაიმარჯვეს.[3]
2022 წლის 15 თებერვლის მდგომარეობით, კონტრაქტი ალინა პაშთან 2022 წლის 66-ე ევროვიზიის სიმღერის კონკურსში მონაწილეობის შესახებ არ გაფორმდა.[4] 2022 წლის 16 თებერვალს ალინა პაშმა თავის ინსტაგრამზე გამოაცხადა, რომ უარს ამბობდა კონკურსში მონაწილეობაზე.
ჯილდოები
რედაქტირებასქოლიო
რედაქტირება- ↑ Нацвідбір на Євробачення 2018 від України: онлайн-трансляція фіналу - Lifestyle 24. 24 Канал. ციტირების თარიღი: 2019-05-22.
- ↑ Финалистка нацотбора на Евровидение. Алина Паш официально ответила на обвинения о выступлениях в России и Крыму. ციტირების თარიღი: 2022-02-15
- ↑ KALUSH обвинили Cуспільне в фальсификации баллов Нацотбора: хотят подать в суд. ციტირების თარიღი: 2022-02-15
- ↑ Евровидение-2022: “Суспільне” опять спрашивает у пограничников, как Алина Паш ездила в Крым. ციტირების თარიღი: 2022-02-15
- ↑ https://teletriumf.ua/laureates/783/. დაარქივებულია ორიგინალიდან — 2018-05-06. ციტირების თარიღი: 2019-05-22