ედი რედმეინი
ედი რედმეინი (ინგლ. Eddie Redmayne; 6 იანვარი 1982) — ინგლისელი კინოსა და თეატრის მსახიობი.
| ედი რედმეინი | |
|---|---|
 ედი რედმეინი | |
| დაბადების სახელი | ედვარდ ჯონ დევიდ „ედი“ რედმეინი |
| დაბადების თარიღი |
6 იანვარი 1982 ლონდონი, ინგლისი, დიდი ბრიტანეთი |
| საქმიანობა |
მსახიობი მოდელი |
| აქტიური | 1998 - დღემდე |
| მეუღლე(ები) | ჰანა ბეგშეივი (2014-დღემდე) |
პირველი როლი მიიღო ფილმებში „ფიქრების წაკითხვით“ და „ცრუ ცდუნება“ (ორივე 2006), ხოლო მოგვიანებით გამოჩნდა ფილმებში: „ველური ხიბლი“, „ელისაბედი: ოქროს ხანა“ (ორივე 2007) და „კიდევ ერთი ბოლეინის გვარიდან“ (2008). პირველი მნიშვნელოვანი როლი მიიღო ბიოგრაფიულ ფილმში „ჩემი ერთი კვირა მერილინთან“, სადაც რეჟისორ კოლინ კლარკის სახე განასახიერა (2011) და ფილმში „საბრალონი“ (2012), სადაც შეასრულა მარიუს პონმერსის როლი. 2014 წელს მოირგო ფიზიკოს სტივენ ჰოუკინგის როლი ფილმში „ყველაფრის თეორია“, რისთვისაც მოიპოვა ოსკარი, ოქროს გლობუსი და BAFTA. მომდევნო წელს განასახიერა ლილი ელბეს სახე ფილმში „გოგონა დანიიდან“. 2016 წელს გამოჩნდა ფანტასტიკურ ფილმში „ჯადოსნური ცხოველები და სად ვიპოვოთ ისინი“. 2015 წელს ბრიტანეთის გაერთიანებული სამეფოს დედოფალმა ელისაბედ II-მ ედი რედმეინი ბრიტანეთის იმპერიის ორდენით დააჯილდოვა. რედმეინმა ჯილდო დრამატული როლების შესრულებისთვის მიიღო. დაჯილდოების საზეიმო ცერემონიალი უინძორის სასახლეში გაიმართა.