დიმიტრი აბაშიძე (რეჟისორი)

დიმიტრი ალექსანდრეს ძე აბაშიძე (დ. 9 (27) ოქტომბერი, 1893, თბილისი — გ. 12 თებერვალი, 1975, იქვე) — ქართველი საბჭოთა რეჟისორი. საქართველოს ხელოვნების დამსახურებული მოღვაწე (1961 წელი). ქართული სამეცნიერო-პოპულარული კინემატოგრაფიის ერთ-ერთი ფუძემდებელი.

დიმიტრი ალექსანდრეს ძე აბაშიძე
დაბადების თარიღი	9 ოქტომბერი/27 ოქტომბერი, 1893 თბილისი
გარდაცვალების თარიღი	12 თებერვალი, 1975 თბილისი
მოქალაქეობა	სსრკ
პროფესია	რეჟისორი
ჯილდოები	საქართველოს ხელოვნების დამსახურებული მოღვაწე

ბიოგრაფია

1925 წლიდან მუშაობს საქართველოს კინოსტუდიაში. მისი ფილმებიდან აღსანიშნავია: „სილოსი“ (1929), „განწყობის როლი ცხოველთა ინდივიდუალურ ქცევაში“ (1947), „ერთი ცდის ამბავი“ (1959; დიპლომი, მინსკის საკავშირო კინოფესტივალი, 1960; საპატიო დიპლომი, ვარშავის სამეცნიერო კინოს საერთაშორისო ასოციაციის XVI კონგრესი, 1962), „იერიში ღრუბლებზე“ (1961), „დაბრუნება ბგერათა სამყაროში“ (1965; დიპლომი, კიევის საკავშირო კინოფესტივალი, 1966) და სხვა.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 19.

• გვენცაძე ა., ენციკლოპედია „საქართველო“, ტ. 1, თბ., 1997. — გვ. 21.