დენიელ ბეშიელ უორნერი
დენიელ ბეშიელ უორნერი (ინგლ. Daniel Bashiel Worner; დ. 19 აპრილი 1815, მერილენდი, აშშ — გ. 1 დეკემბერი 1880, ლიბერია) — ლიბერიის სახელმწიფო და პოლიტიკური მოღვაწე. ქვეყნის მესამე პრეზიდენტი 1864-1868 წლებში და მეხუთე ვიცე-პრეზიდენტი 1860-1864 წწ.
| დენიელ ბეშიელ უორნერი | |
 | |
| ლიბერიის პრეზიდენტი | |
|---|---|
| თანამდებობაზე ყოფნის დრო | |
| 4 იანვარი, 1864 – 6 იანვარი, 1868 | |
| წინამორბედი | სტივენ ალენ ბენსონი |
| მემკვიდრე | ჯეიმზ სპრიგს პეინი |
ლიბერიის ვიცე-პრეზიდენტი | |
| თანამდებობაზე ყოფნის დრო | |
| 2 იანვარი, 1860 – 4 იანვარი, 1864 | |
| პრეზიდენტი | სტივენ ალენ ბენსონი |
| წინამორბედი | ბევერლი იტესი |
| მემკვიდრე | ჯეიმზ პრიესტი |
| დაბადებული | 19 აპრილი, 1815 ბალტიმორი, მერილენდი, აშშ |
| გარდაცვლილი | 1 დეკემბერი, 1880 (65 წლის) ლიბერია |
| პოლიტიკური პარტია | ლიბერიის რესპუბლიკური პარტია |
ბიოგრაფია
რედაქტირებადენიელ უორნერი დაიბადა აშშ-ში, მერილენდის შტატში, აფრო-ამერიკელის ოჯახში. მისი მამა ყოფილი მონა იყო, რომელმაც თავისუფლება მოიპოვა უორნერის დაბადებამდე ერთი წლით ადრე[1].
უორნერის დაბადების თარიღი უცნობია, ზოგიერთი წყარო მიუთითებს 1815 წლის 19 აპრილს[1]. ამერიკული საკოლონიზაციო საზოგადოების მიხედვით იგი ცხრა წლისა იყო, როდესაც 1823 წელს მისი ოჯახი დასახლდა ლიბერიაში. ამ მონაცემებით მისი დაბადების წლად შესაძლებელია მივიჩნიოთ 1814 წელი.
როგორც ლიბერიული ელიტის წარმომადგენელი, იგი იყო ლიბერიის წარმომადგენელთა პალატისა და ლიბერიის სენატის წევრი[2][3]. 1877 წელს გახდა ამერიკული საკოლონიზაციო საზოგადოების აგენტი[4].
დენიელ ბეშიელ უორნერი არის ლიბერიის ეროვნული ჰიმნის ავტორი, რომელიც ოფიციალურად მიიღეს 1847 წელს დამოუკიდებლობის მოპოვების შემდეგ[5].
პრეზიდენტობა
რედაქტირებაუორნერის საქმიანობის მთავარი საზრუნავი იყო კავშირების დამყარება ადგილობრივ მოსახლეობასთან. მან მოაწყო პირველი ექსპედიცია ჯუნგლებში ბენჟამინ ანდერსონის მეთაურობით.
1868 წელს ანდერსონი გაიგზავნა ლიბერიის სიღრმეში ადგილობრივ მეფე მუსარდოსთან ხელშეკრულების დასადებად. გზადაგზა იგი აკეთებდა ჩანაწერებს, აღწერდა მოსახლეობას და ბუნებრივ რესურსებს. ანდერსონის ინფორაციაზე დაყრდნობით ლიბერიის მთავრობამ დაამყარა კონტროლი ლიბერიის შიდა ტერიტორიებზე.
სქოლიო
რედაქტირება- ↑ 1.0 1.1 Death Of A Liberian President // «New York Times» — 1881. — March 13.
- ↑ Emma Jones Lapsansky Werner & Margaret Hope Bacon. Back To Africa
- ↑ American Colonization Society, «Information About Going To Liberia With Things Which Every Emigrot Ought To Know», 1852
- ↑ Michele Mitchell. Righteous Propaganda
- ↑ Streissguth, Thomas. Liberia In Pictures