დალჰალა

დალჰალა (შვედ. Dalhalla) — ღია არენა თეატრალური, საკონცერტო და საოპერო წარმოდგენებისთვის, რომელიც 1993 წელს გაიხსნა კირქვის გამოუყენებელ კარიერზე, რეტვიკის(შვედური)ქართ. ახლოს, დალარნის პროვინციაში. არენას ამჟამად შეუძლია დაახლოებით 6000 მაყურებლის დატევა.

ისტორია

დალჰალა, კირქვის კარიერია (ადრე ცნობილი როგორც „Draggängarna“), რომელიც მდებარეობს რეტვიკიდან ჩრდილოეთით დაახლოებით 8 კილომეტრში. იქ, 1940-იანი წლებში, გათხარეს და ააფეთქეს დიდი ღია, უზარმაზარი ზომის ორმო. 1990 წელს კარიერი დაიხურა.

ღია სცენის იდეა 1991 წელს წამოაყენა ყოფილმა საოპერო მომღერალმა მარგარეტ დელეფორსმა. ადგილად არჩეული იქნა კირქვის კარიერი რეტვიკის მახლობლად, რადგან მონაცემებით შესაფერისი იყო: მას ნაწილობრივ ამფითეატრის ფორმა და ძალიან კარგი აკუსტიკა ჰქონდა. რეტვიკის მუნიციპალიტეტმა და დალარნას პროვინციამ მოსამზადებელი სამუშაოები ჩაატარა და 1993 წლის ივნისში შესაძლებელი გახდა სატესტო კონცერტი მასობრივი ინფორმაციის საშუალებების წინაშე. ერთი წლის შემდეგ, 1994 წლის 23 ივლისს, გაიმართა პირველი რეალური საპრემიერო კონცერტი და „დალჰალას მეგობრების“ საპატიო თავმჯდომარემ ბირგიტ ნილსონმა საწყისი გასროლა მოახდინა. 1995 წელს დალჰალა ოფიციალურად გაიხსნა.

2012 წლიდან დალჰალას მართავს კომპანია Dalhalla Förvaltning AB, რომელიც ქირავდება Rättvik Event-ზე პოპულარულ მუსიკაზე ორიენტირებული შეთავაზებისთვის, ხოლო ასოციაცია Dalhall Opera 32-33 კვირის განმავლობაში ატარებს ორიგინალურ საოპერო წარმოდგენებს.

2015 წლის ბოლოს განხორციელდა არენის კომპანიის აქციების ახალი ემისია და დალჰალა კერძო საკუთრებაში გადავიდა.^[1]

სახელის შერჩევა

სახელის არჩევანი, რომელიც არის ტრანსფორმაცია ვალჰალადან, შთაგონებულია რიჰარდ ვაგნერის ოპერებით და შეიცვალა „დალჰალას" ადგილის გეოგრაფიული მდებარეობის მიხედვით დალარნის პროვინციაში.

დალჰალას აკუსტიკა

აღმოჩნდა, რომ კარიერის ზომები უზრუნველყოფდა სრულყოფილ აკუსტიკურ ადგილს. თავად დალჰალა თავის არენას საბერძნეთისა და იტალიის ცნობილ ამფითეატრებს ადარებს. კარგი აკუსტიკა არ არის დამოკიდებული მხოლოდ ზომებზე. უხეში კედლები ხელს უშლის ექოს და იძლევა რბილ ხმოვანებას. სავარძლები შემოწმებულია კარგი ხმის უზრუნველსაყოფად. სადაც არ უნდა იჯდეს მაყურებელი, რევერბერაცია და რეზონანსი შესაძლებელს ხდის, შესრულდეს ოპერები ელექტრონული გამაძლიერებლების გარეშე.

დალჰალა ციფრებში

კირქვის კარიერის ზომები 400x175x60 მეტრია. ამჟამად საკონცერტო არენა დაახლოებით 6000 მსმენელზეა გათვლილი. არენაზე აუდიტორიის რეკორდი დამყარდა 2017 წლის 28 ივლისს, როდესაც შვედური პოპ-როკ ბენდები „Takida“ და „Stiftelsen“ ეწვივნენ დალჰალას და კონცერტს 5653 ადამიანი დაესწრო. ავსტრიულმა მუსიკალურმა საფესტივალო ჟურნალმა„Magazin Festspiele“-მა დალჰალა დაასახელა, როგორც მეოთხე საუკეთესო ღია სცენა მსოფლიოში მუსიკალური ღონისძიებებისთვის.