დავით მჭედლიშვილი

დავით მჭედლიშვილი (დ. 1914, სიღნაღი — გ. 2001) — ქართველი ჟურნალისტი. საქართველოს სსრ დამსახურებული ჟურნალისტი (1970). იყო საქართველოს სსრ უმაღლესი საბჭოს IV–VII მოწვევის დეპუტატი.

1949 წელს დაამთავრა მოსკოვის უმაღლესი პარტიული სკოლა. სხვადასხვა დროს იყო რამდენიმე გაზეთისა და ჟურნალის რედაქტორი (სიღნაღის გაზ. „კოლმეურნე“, „ახალგაზრდა კომუნისტი“, „ნორჩი ლენინელი“, თბილისის საოლქო გაზ. „გამარჯვება“; ჟურნალები: „პიონერი“, „ბოლშევიკი“ და სხვა). 1958-1979 წლებში იყო გაზეთ „კომუნისტის“ რედაქტორი. 1954-1956 — საქართველოს სსრ კომუნისტური პარტიის ცენტრალური კომიტეტის მდივანი იდეოლოგიის დარგში. 1980 წლიდან მოღვაწეობდა თბილისის სახელმწიფო უნივერსიტეტი ჟურნალისტიკის სამეცნიერო-კვლევით ლაბორატორიაში. არჩეული იყო საქართველოს ჟურნალისტთა ფედერაციის (ყოფ. კავშირი) მდივნად (1958), თავმჯდომარედ, შემდეგ იქვე ვეტერანთა საბჭოს თავმჯდომარედ.

ჯილდოები

• 1996: ღირსების ორდენი (ქართული ჟურნალისტიკის განვითარებაში შეტანილი წვლილისა და მასობრივი ინფორმაციის საშუალებებში ხანგრძლივი ნაყოფიერი მუშაობისათვის)
• საპატიო ნიშნის ორდენი
• წითელი ვარსკვლავის ორდენი

რესურსები ინტერნეტში

• დავით მჭედლიშვილი — საქართველოს ბიოგრაფიული ლექსიკონი
• დავით მჭედლიშვილის ბიოგრაფია (IV მოწვევა)
• დავით მჭედლიშვილის ბიოგრაფია (V მოწვევა)
• დავით მჭედლიშვილის ბიოგრაფია (VII მოწვევა)