დავით თაბაგარი

დავით თაბაგარი (დ. 30 მაისი, 1996, ჭიათურა) — ქართველი ფოტოგრაფი, ფოტოხელოვანი.

დავით თაბაგარი
დაბადების თარიღი	30 მაისი, 1996 ჭიათურა
ეროვნება	ქართველი
მოქალაქეობა	საქართველო
განათლება	საქართველოს ტექნიკური უნივერსიტეტი
პროფესია	ფოტოგრაფი

ბიოგრაფია

დაიბადა 1996 წლის 30 მაისს, ქალაქ ჭიათურაში. ფოტოგრაფიის შესწავლა ადრეულ ასაკში, დამოუკიდებლად დაიწყო. სკოლის დასრულების შემდეგ, სწავლა საქართველოს ტექნიკურ უნივერსიტეტში სამართლის მიმართულებით განაგრძო. 2019 წლიდან მუშაობს თბილისის მუნიციპალიტეტის მერიის ფოტოგრაფად. პარალელურად დაკავებულია თავისუფალი ფოტოგრაფიით.

თაბაგარის ფოტორეპორტაჟების თემატიკა ძირითადად სოციალურ საკითხებს, ურბანულ, სამხედრო და ლანდშაფტის ფოტოგრაფიას მიეკუთვნება.

სხვადასხვა დროს მისი ფოტოები დაიბეჭდა ისეთ ადგილობრივ თუ საერთაშორისო გამოცემებში როგორებიცაა: Peta pixel, National Geographic, Europe Time, Radio Free Europe/Radio Liberty, Marketer, Georgian Journal- და სხვა.

არის სხვადასხვა პროექტის მონაწილე (მედია სწავლება „ღირსეული პასუხი 2017“, საქართველოს თავდაცვის სამინისტრო) და გამარჯვებული National Geographic Magazine საქართველოს ფოტოკონკურსისა „სიცოცხლე შენ გარშემო, 2018“; National Geographic Magazine საქართველოს ფოტოკონკურსისა „თოვლიანი საქართველო, 2019“.

დავით თაბაგარი მიწვეული ლექტორია საქართველოს საზოგადოებრივ საქმეთა ინსტიტუტში (GIPA), სასერტიფიკატო პროგრამაზე „ფოტოგრაფიის საფუძვლები“.

მის ფოტორეპორტაჟებში განსაკუთრებული ადგილი უკავია პროექტს „პარალელური თბილისი“.

რესურსები ინტერნეტში

• „მიტოვებული ადგილები საქართველოში“ – დავით თაბაგარის ფოტო გამოფენა
• საღამოს ტბა, nationalgeographic.ge
• თბილისის ორი დრო..., კვირის პალიტრა
• თავისუფლების 30 წელში შეცვლილი თბილისი - დავით თაბაგარის ემოციური ფოტოკოლაჟი, ambebi.ge