დავით მათიკაშვილი
დავითი მათიკაშვილი (დ. 14 აგვისტო, 1978) — ქართველი იურისტი, პოლიტიკოსი. საქართველოს 2 მოწვევის (2016, 2020) პარლამენტის წევრი.
| დავით მათიკაშვილი | |
|---|---|
| დაბადების თარიღი | 14 აგვისტო, 1978 |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი იურისტი, პოლიტიკოსი |
| პარტია | „ქართული ოცნება“ |
| საქმიანობა | საქართველოს პარლამენტის IX მოწვევის წევრი |
დაამთავრა თბილისის სახელმწიფო უნივერსიტეტის იურიდიული ფაკულტეტი.
2000 წელს სააქციო საზოგადოება „ქართუ ჯგუფის“ იურისტი; 2000-2006 წლებში სააქციო საზოგადოება (სს) „ბანკი ქართუს“ იურისტი; 2006-2007 წლებში სააქციო საზოგადოება „ბანკი ქართუს“ წამყვანი იურისტი; 2007-2008 წლებში იყო სააქციო საზოგადოება „ბანკი ქართუს“ საგარეო ურთიერთობათა სამმართველოს რეგულირების უფროსი იურისტი; 2008-2014 წლებში მუშაობდა სააქციო საზოგადოება „ბანკი ქართუს“ საგარეო ურთიერთობათა სამმართველოს რეგულირების განყოფილების უფროსი; 2014-2015 წლებში სააქციო საზოგადოება „ბანკი ქართუს“ იურიდიული დეპარტამენტის დირექტორი, მოადგილე; 2015-2016 წლებში სააქციო საზოგადოება „ბანკი ქართუს“ იურიდიული დეპარტამენტის უფროსი.2016-2020 წლებში იყო საქართველოს მე-9 მოწვევის პარლამენტის წევრი პარტიული სიით (ჩაანაცვლა კახა კალაძე), საარჩევნო ბლოკი: „ქართული ოცნება — დემოკრატიული საქართველო“.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[1] მხარი დაუჭირა კანონპროექტს „უცხოური გავლენის გამჭვირვალობის შესახებ“.[2]
რესურსები ინტერნეტში
რედაქტირება- დავით მათიკაშვილი — საქართველოს ბიოგრაფიული ლექსიკონი
- დავით მათიკაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.
- ↑ სია: ვინ დაუჭირა „აგენტების კანონს“ მხარი პირველი მოსმენით.