გურის წყალსაცავი

გურის წყალსაცავი (ესპ. Embalse de Guri) — წყალსაცავი მდინარე კარონის (ორინოკოს მარჯვენა შენაკადი) კანიონში, ვენესუელაში. ფართობი 4250 კმ², მოცულობა 135 კმ³, სიგრძე 175 კმ, სიგანე 48 კმ., კაშხლის საერთო სიგრძეა 1300 მ, ხოლო სიმაღლე 162 მ. წყალსაცავი უპირველეს ყოვლისა შექმნილია ენერგეტიკული მიზნებისათვის. გურის წყალსაცავს ქვეყნის ეკონომიკაში დიდი მნიშვნელობა ენიჭება.

გურის წყალსაცავი
ესპ. Embalse de Guri
გურის წყალსაცავთან აშენებული ჰიდროელექტროსადგური
კოორდინატები: 07°46′10″ ჩ. გ. 62°59′19″ დ. გ.
ქვეყანა	ვენესუელა
ტერიტორიული ერთეული	ბოლივარის შტატი
სიგრძე	175 კმ
სიგანე	48 კმ
ფართობი	4250 კმ²
მოცულობა	135 კმ³
მდინარე	კარონი
ჰესი	გურის ჰიდროელექტროსადგური
მედიაფაილები ვიკისაწყობში

ჰესი

წყალსაცავთან აშენებულია გურის ჰიდროელექტროსადგური, რომელიც მსოფლიოს ერთ-ერთი ყველაზე მძლავრი ელსადგურია. „გურის“ ჰიდროელექტროსადგური ასევე სიმონ ბოლივარის ჰიდროელექტროსადგურის სახელითაა ცნობილი, მსოფლიოს უდიდეს სადგურებში მესამე ადგილს იკავებს, 10 200 მეგავატი სიმძლავრით. ელექტროსადგური მდინარე კარონზეა განლაგებული, სამხრეთ ვენესუელაში და მას კომპანია CVG Electrification del Caroni მართავს. ჰიდროელექტროსადგურის აშენება 1963 წელს დაიწყო. პირველი ნაწილი (ჰიდროაგრეგატები) 1978 წელს დასრულდა, ხოლო მეორე 1986 წელს. ელექტროსადგური 20 განსხვავებული მოცულობის გენერატორებს მოიცავს, რომლებიც 130-დან 770 მეგავატამდე ენერგიას გამოიმუშავებენ. ეს ელექტროსადგური ვენესუელასთვის დაახლოებით 12 900 გიგავატ ელექტროენერგიას გამოიმუშავებს.

იხილეთ აგრეთვე

• კარონი
• წყალსაცავი

რესურსები ინტერნეტში

• EDELCA დაარქივებული 2007-07-08 საიტზე Wayback Machine.
• Erection Company on Guri დაარქივებული 2021-12-08 საიტზე Wayback Machine.
• Hydroelectric power stations in Venezuela დაარქივებული 2013-01-03 საიტზე Archive.isCategory:Webarchive template archiveis links