გურამიშვილები

გურამიშვილები — ფეოდალური საგვარეულო კახეთში, ზედგენიძეების ერთ-ერთი განშტოება. დოკუმენტური ცნობები მათ შესახებ შემონახულია XVI საუკუნიდან, ამავე საუკუნის ბოლოსათვის გურამიშვილებმა შექმნეს სათავადო. XVIII საუკუნის დასასრულისათვის გურამიშვილების გვარი რამდენიმე განშტოებისაგან შედგებოდა. მათ მამულები უმთავრესად ავჭალის, საგურამოსა და წიწამურის მიდამოებში იყო. გურამიშვილების საგვარეულოდან გამოვიდნენ პოეტები დავით გურამიშვილი და მამუკა გურამიშვილი.

გურამიშვილების გერბი

ლიტერატურა

• აკოფაშვილი გ., ქსე, ტ. 3, გვ. 310, თბ., 1978