გრიგორიატის მონასტერი
გრიგორიატის მონასტერი (ბერძ. Μονή Οσίου Γρηγορίου) — მამათა მონასტერი ათონის მთაზე. ათონის მონასტრების იერარქიაში 1574 წლიდან მონასტერი მე-17 ადგილზეა.
| მონასტერი | |
|---|---|
|
გრიგორიატი Μονή Οσίου Γρηγορίου | |
 | |
| ქვეყანა |
 საბერძნეთი |
| კოორდინატები | 40°10′45″ ჩ. გ. 24°15′19″ ა. გ. / 40.17917° ჩ. გ. 24.25528° ა. გ. |
| დაარსდა | XIV საუკუნე |
| მოსახლეობა |
101 (2021), 88 (2001), 68 (1991) |
| ოფიციალური საიტი | https://www.imgrigoriou.gr/ |
  | |
მონასტერი მდებარეობს ნახევარკუნძულის სანაპიროზე. აქ მოხვედრა შეიძლება მხოლოდ გემით დაფნიდან. სავანე XIV საუკუნეში დააარსა გრიგოლ განდეგილმა. მონასტერი დიონისიატისა და პანტოკრატორის თანამედროვეა. გრიგორიატის დამაარსებლის შესახებ მხოლოდ ის ვიცით, რომ იგი გრიგოლ სინელის მოწაფე იყო. ინფორმაციის ნაკლებობის მიზეზი გახდა 1500 და 1762 წლების ხანძრები, გარდა ამისა, მონასტერი არაერთხელ გამხდარა მსხვერპლი მეკობრეების თავდასხმისა. სავანეს აღადგენდნენ მართლმადიდებელი ხელმწიფეების დახმარებებით, მათ შორისაა მოლდავეთის მმართველი იოანე სტეფანე დიდი. მან უდიდესი როლი ითამაშა სავანის აღორძინებაში და ამიტომაც ითვლება მის მეორე დამაარსებლად. 1762 წელს ხანძრით განადგურებული გრიგორიატი აღდგა იღუმენ იოაკიმეს ხელმძღვანელობით. 1851 წელს აშენდა წმინდა გიორგის ეკლესია, 1851 წელს - წმინდა ნიკოლოზისა. მონასტერში დაცულია 279 ხელნაწერი, მათ შორის 11 პერგამენტია. გარდა ამისა, ინახება დაახლოებით 6000-მდე ნაბეჭდი წიგნი. მონასტრის სიწმინდეებიდან აღსანიშნავია ცხოველმყოფელი ჯვრის ნაწილი, წმინდანთა ნაწილები, წმინდა ჭურჭელი და სამოსი. გრიგორიატს აქვს 7 ტაძარი თავის ტერიტორიაზე და 6 - ტერიტორიის გარეთ. მონასტრის დაქვემდებარებაშია სამი კაფიზმა და ექვსი კელია. კელია - პატარა უდაბნოა, აქ არის 1-2 ბერის საცხოვებელი და პატარა ტაძარი. კელიის მცხოვრებნი თვითონ ირჩენენ თავს. კაფიზმა, კელიისგან განსხვავებით, მონასტრის სრულ უზრუნველყოფაზეა.
რესურსები ინტერნეტში
რედაქტირება- გრიგორიატის მონასტერი ათონის მთის ოფიციალურ საიტზე დაარქივებული 2016-03-04 საიტზე Wayback Machine.
- გრიგორიატის მონასტერი საბერძნეთის კულტურის სამინისტროს საიტზე დაარქივებული 2016-03-03 საიტზე Wayback Machine.
