გორმაღალი (ქართლის ქედი)

გორმაღალი — მთა საქართველოში, მცხეთა-მთიანეთის მხარეში, დუშეთისა და თიანეთის მუნიციპალიტეტების ადმინისტრაციულ საზღვარზე. მდებარეობს ქართლის ქედზე. სიმაღლე ზღვის დონიდან 1983,5 მ. აგებულია ცარცული ასაკის კირქვებით, მერგელებითა და ქვიშაქვებით. მთის კალთები დამრეცია, შემოსილია სუბალპური ბალახეულობით.

გორმაღალი
კოორდინატები: 42°11′11″ ჩ. გ. 44°53′53″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი თიანეთის მუნიციპალიტეტი
სიმაღლე	1983,5 მ
ქედი	ქართლის ქედი
ამგებელი ქანები	კირქვა, მერგელი და ქვიშაქვა

ლიტერატურა

• ნემაშვილი ს., ენციკლოპედია „საქართველო“, ტ. 2, თბ., 2012. — გვ. 123.