გიორგი ყაჭეიშვილი

გიორგი ყაჭეიშვილი (დ. 10 თებერვალი, 1977, თბილისი, საქართველოს სსრ) — ქართველი მოჭადრაკე და მწვრთნელი, დიდოსტატი (1997). საქართველოს ორგზის ჩემპიონი (1997 და 2006) და ვიცე-ჩემპიონი (2000). საქართველოს ნაკრების შემადგენლობაში მან მონაწილეობა მიიღო სამ საჭადრაკო ოლიმპიადაში (2000 (4½ ქულა 10-დან), 2004 (4 ქულა 8-დან), 2006 (5 ქულა 10-დან)) და ევროპის ხუთ გუნდურ ჩემპიონატში (1992, 1997, 1999, 2001 (2 ქულა 7-დან) და 2003 წლებში (საქართველოს ნაკრებმა მესამე ადგილი დაიკავა, ხოლო გიორგი ყაჭეიშვილმა 8-დან 6½ ქულით ინდივიდუალური ოქროს მედალი მოიპოვა მეოთხე დაფაზე). ფიდე-ს ეგიდით გამართული 2004 წლის მსოფლიო ჩემპიონატის მონაწილე (პირველ წრეში დამარცხდა ვასილიოს კოტრონისთან ანგარიშით 1½:2½).

1990-იანი წლების დასაწყისში წვრთნიდა ნინო ხურციძეს, ხოლო 2009-2010 წლებში - აშშ-ის 2010 წლის ჩემპიონს ირინა კრუშს.

ლიტერატურა

• გიორგაძე თ., ქართული ჭადრაკის მატიანე, ნაწ. I, თბ., 1995. — გვ. 62.