გიორგი ნადირაძე

გიორგი ნადირაძე (დ. 14 მარტი, 1992, თბილისი) — ქართველი ფეხბურთელი, მეკარე.

გიორგი ნადირაძე

პირადი მონაცემები
სრული სახელი	გიორგი ნადირაძე
დაბადების თარიღი	14 მარტი, 1992 (1992-03-14)
დაბადების ადგილი	თბილისი, საქართველო
სიმაღლე	183 სმ
სათამაშო პოზიცია	მეკარე
ახალგაზრდული კარიერა
2006–2011	დინამო-2 თბილისი
პროფესიონალური კარიერა*
წლები	გუნდი	მატჩი	(გოლი)
2011–2012	დინამო თბილისი	1	(0)
2012–2016	სპარტაკი ცხინვალი	112	(0)
2017	გაგრა	31	(0)
2018	შევარდენი-1906	34	(0)
2019	ცხინვალი	15	(0)
2019–2022	შევარდენი-1906	74	(0)
ეროვნული ნაკრები
2010–2011	საქართველო 19-წლ.	3	(0)
2012–2014	საქართველო 21-წლ.	10	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

კარიერა

გიორგი ნადირაძე თბილისის „დინამოში“ 2006 წელს ჩაირიცხა. „დინამოს“ აკადემიაში ერთი წლით უფროს ასაკში სინჯებზე მისულმა მეკარემ ჯერ აკადემიის პერიოდი გაირა, შემდეგ დუბლებში გამოდიოდა, 2011–12 წლების სეზონისთვის კი ძირითადი შემადგენლობის განაცხადში გამოჩნდა. მისი დებიუტი შედგა საქართველოს ჩემპიონატის მე-15 ტურის გადადებულ მატჩში, სადაც „დინამო“ ქვეყნის მოქმედ ჩემპიონ „ზესტაფონთან“ 5–1 დამარცხდა.

2012 წელს ცხინვალის „სპარტაკში“ გადავიდა და ძირითადში ადგილი დაიმკვირდა. საქართველოს თასის 2012–13 წლების გათამაშების მერვედფინალში, „სპარტაკი“ „ვიტ ჯორჯიას“ შეხვდა, განმეორებით შეხვედრაში საქმე პენალტებამდე მივიდა, სადაც გიორგი ნადირაძემ ზედიზედ სამი 11-მეტრიანი მოიგერია და გუნდს მეოთხედფინალში გასვლაში დაეხმარა.

გამოდიოდა საქართველოს 19 და 21-წლამდელთა ნაკრებებში. 2014 წელს საუდის არაბეთის ეროვნული ნაკრების წინააღმდეგ გასამართი ამხანაგური მატჩისთვის იძულებითი ცვლილება განხორციელდა, თემურ ქეცბაიამ ნუკრი რევიშვილის მაგივრად გიორგი ნადირაძე გამოიძახა.

მიღწევები

• უმაღლესი ლიგა მეორე ადგილი: 2010–11

რესურსები ინტერნეტში

• გიორგი ნადირაძე — ეროვნული ლიგის ოფიციალურ საიტზე
• პროფილი Transfermarkt-ზე
• პროფილი Soccerway-ზე