გიორგი დერმანოვსკი

გიორგი დიმიტრის ძე დერმანოვსკი (რუს. Гео́ргий Дми́триевич Дермано́вский; დ. 11 მარტი, 1924, ქ. სოხუმი, — გ. 26 მარტი, 1944, ნიკოლაევი, უკრაინის სსრ) — საბჭოთა კავშირის გმირი (19 აპრილი, 1945, სიკვდილის შემდეგ), მატროსი.

საბჭოთა არმიაში მსახურობდა 1942 წლიდან. მეორე მსოფლიო ომში იყო შავის ზღვის ფლოტის საზღვაო ქვეითების 384-ე ბატალიონის მეავტომატე. მონაწილეობდა და დაიღუპა ბრძოლაში ქ. ნიკოლაევის განთავისუფლებისათვის, რისთვისაც მიენიჭა გმირის წოდება.

ლიტერატურა

• ჩინჩილაკაშვილი ტ., ენციკლოპედია „საქართველო“, ტ. 2, თბ., 2012.