გვაზავაისძენი

გვაზავაისძენი — XI საუკუნის I ნახევრის ქართველი ოქრომჭედლები. ცხოვრობდნენ და მოღვაწეობდნენ ზემო სვანეთში. მათი შესრულებული ხატები ქართული ოქრომჭედლობის მნიშვნელოვანი ძეგლებია.

ასანი — მისი ნამუშევარია წმინდა გიორგის ორი მოოქრული ვერცხლის ხატი, რომლებიც ინახება სოფელ ნაკიფარში, იფარის თემში. მათში მკაფიოდ ჩანს XI საუკუნის დასაწყისის ქართული ჭედური ხელოვნების ძირითადი ტენდენცია პლასტიკურ-მოცულობითი ამოცანების წინ წამოწევა.

თევდორე — მან მოჭედა იელის მაცხოვრის ეკლესიისთვის მაცხოვრის ვერცხლის ხატი, რომელიც ამჟამად დაცულია მესტიის მუზეუმში.

გიორგი — მისი ნახელავია სოფელ ლანჩვანის ეკლესიისათვის დამზადებული მაცხოვრის ვერცხლის ხატი.

ლიტერატურა

• საყვარელიძე თ., ენციკლოპედია „საქართველო“, ტ. 1, თბ., 1997. — გვ. ?.

• საყვარელიძე თ., ქართული საბჭოთა ენციკლოპედია, ტ. 3, თბ., 1978. — გვ. 131.
• ბერიძე ვ., ძველი ქართველი ოსტატები, თბილისი, 1967