გელგელუკის მღვიმე
გელგელუკის მღვიმე, გელგელუკის ჭა — კარსტული წარმონაქმნი საქართველოში, აფხაზეთის ავტონომიურ რესპუბლიკაში, გაგრის მუნიციპალიტეტში. მდებარეობს არაბიკის მასივზე, მდინარე სანდრიფშის აუზში (გელგელუკის ხეობა), ზღვის დონიდან 2200 მ სიმაღლეზე.
| გელგელუკის მღვიმე | |
|---|---|
| კოორდინატები: 43°25′51″ ჩ. გ. 40°21′14″ ა. გ. / 43.4309306° ჩ. გ. 40.3539111° ა. გ. | |
| ქვეყანა |  საქართველო
|
| ტერიტორიული ერთეული | გაგრის მუნიციპალიტეტი |
| აბსოლუტური სიმაღლე | 2200 მ |
| სიგრძე | 560 მ |
| სიღრმე | 162 მ |
| მოცულობა | 0,084 მლნ. მ³ |
| ტიპი | კარსტული |
| ამგებელი ქანები | კირქვა |
  | |
 | |
გამომუშავებულია ქვედაცარცულ მასიურ კირქვებში. წარმოადგენს ვერტიკალური ჭებისა და მათი შემაერთებელი ძლიერ დახრილი ვიწრო და მაღალი დერეფნების სისტემას; სხვადასხვა დონეზე გამოეყოფა განშტოებები. მიწისქვეშ გაედინება ძლიერ მერყევი რეჟიმის მქონე ნაკადული. გამოკვლეული ნაწილის სიღრმეა 162 მ, ჯამური სიგრძე — 560 მ, მოცულობა — 84000 მ³. ადვილი შესაღწევია. ვარაუდობენ, რომ გელგელუკის ჭა მის მახლობლად მდებარე ილიუხინის სახელობის კარსტული მღვიმური სისტემის შემადგენელი ნაწილია.
მღვიმეში ბინადრობს მრავალფეხიანები: მატლი - Diptera, ხოჭოებიდან Trechini და სხვ.
ლიტერატურა
რედაქტირება- ყიფიანი შ., ტინტილოზოვი ზ., ოქროჯანაშვილი არს., ჯიშკარიანი ვ., საქართველოს კარსტული მღვიმეების კადასტრი, თბ., 1966.
- ტატაშიძე (ტინტილოზოვი) ზ., ენციკლოპედია „საქართველო“, ტ. 1, თბ., 1997. — გვ. ?.