გარბანის სამაროვანი

გარბანის სამაროვანი — არქიტექტურული ძეგლი, საკულტო ნაგებობა. მდებარეობს მდინარე ტერხენის ნაპირზე, ეკლესიის ეზოში. თარიღდება შუა საუკუნეებით. ნაგებობა, 1965 წელს შეისწავლა ხევის არქოლოგიურმა ექსპედიციამ (ხელმძღვანელი გერმანე გობეჯიშვილი). აკლდამები საოჯახო საძვალეები გეგმით სწორკუთხაა, ნაგებია ნატეხი ქვით, დამხრობილია აღმოსავლეთიდან დასავლეთისკენ, ხოლო მიცვალებულთა ძვლები უმეტესად არეულია. სამარხეული ინვენტარი არ აღმოჩნდა.

ლიტერატურა

• ყაზახიშვილი ლ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 442.