ბორის კოლკერი
ბორის კოლკერი (რუს. Борис Григорьевич Колкер; დ. 15 ივლისი, 1939, მოლდავეთის სსრ) — მთარგმნელი, ენათმეცნიერების დოქტორი, ინტერლინგვისტი და ესპერანტოს სამი სახელმძღვანელოს ავტორი. 1993 წლამდე საბჭოთა კავშირისა და რუსეთის მოქალაქე იყო, ხოლო 1993 წლიდან ცხოვრობს ოჰაიოს შტატის ქალაქ კლივლენდში (აშშ) ცხოვრობს.
| ბორის კოლკერი | |
|---|---|
 | |
| დაბ. თარიღი | 15 ივლისი, 1939[1] (85 წლის) |
| დაბ. ადგილი | ტირასპოლი[1] |
| მოქალაქეობა |
 სსრკ აშშ მოლდოვა რუსეთი |
| საქმიანობა | მწერალი, მთარგმნელი, ესპერანტისტი, esperantologist და მასწავლებელი |
| ალმა-მატერი | მოლდოვის სახელმწიფო უნივერსიტეტი |
| ნათესავ(ებ)ი | დანიელო კოლკერი |
| ჯილდოები | Honorary Member of the World Esperanto Association |
ესპერანტო 1957 წელს ისწავლა და დაიცვა დისერტაცია ესპერანტოლოგიის განხრით. გამოცემული აქვს ესპერანტოს სამი სახელმძღვანელო, ასევე ავტორია მრავალი სტატიისა და რეცენზიისა ინტერლინგვისტიკის სფეროში. მისი ერთ-ერთი სახელმძღვანელო თარგმნილია ქართულ ენაზე. დიდი პოპულარობა მოუტანა მას წიგნმა „მოგზაურობა ესპერანტოს სამყაროში“, რომელიც ამავე დროს ესპერანტოს სრულყოფილ სახელმძღვანელოსა და ესპერანტო-კულტურის მეგზურს წარმოადგენს. ამ წიგნმა იგი ცნობილი გახადა როგორც გიდი ესპერანტოს სამყაროში.
ბორის კოლკერი ესპერანტოს აკადემიისა და უეა-ს (უნივერსალური ესპერანტო-ასოციაცია) წევრი და ჟურნალ „ონატოს“ თანარედაქტორია. იგი ოცი წლის მანძილზე რუსეთში ესპერანტოს დაუსწრებელი სწავლების კურსს ხელმძღვანელობდა. მან ამ ხნის მანძილზე 900-მდე დიპლომირებული ესპერანტისტი გამოზარდა, მათ შორის რამდენიმე საქართველოდან. სხვადასხვა დროს საბჭოთა კავშირსა და რუსეთში ესპერანტო-ორგანიზაციების ერთ-ერთი დამაარსებელი და ხელმძღვანელი იყო. 1982 წელს იგი საქართველოს ეწვია და ქართველ ესპერანტისტებს თბილისსა და ბათუმში შეხვდა.
შემდეგ ესპერანტოს აშშ-ის უნივერსიტეტებში სან-ფრანცისკოსა და ჰარტფორდში ასწავლიდა. ამჟამად ბორის კოლკერი ინტერნეტში დახელოვნების საერთაშორისო კურსს ხელმძღვანელობს.
რესურსები ინტერნეტში
რედაქტირება- ენათმეცნიერების დარგში სადოქტორო დისერტაციის რეფერატი
- ესპერანტოს ენის სახელმძღვანელო. ძირითადი კურსი
- ესპერანტო 16 დღეში. ექსპრეს-კურსი
- საერთაშორისო ენა ესპერანტო სრული სახელმძღვანელო დაარქივებული 2010-11-22 საიტზე Wayback Machine.
- მოგზაურობა ესპერანტოს სამყაროში დაარქივებული 2007-03-18 საიტზე Wayback Machine.
სქოლიო
რედაქტირება- ↑ 1.0 1.1 Deutsche Nationalbibliothek Record #101987578X // ინტეგრირებული ნორმატიული ფაილი — 2012—2016.