ბეტი როს კლარკი
ბეტი როს კლარკი (დ. მეი კლარკი, 1 მაისი, 1892 — გ. 24 იანვარი, 1970) — ამერიკელი სცენისა და კინოს მსახიობი. იგი 1920 წლიდან 1940 წლამდე გამოჩნდა 30- ზე მეტ ფილმში, მათ შორის არის როგორც მუნჯი, ასევე ხმოვანი ფილმები.
| ბეტი როს კლარკი | |
|---|---|
 კლარკი 1920 წელს | |
| დაბადების თარიღი |
1 მაისი, 1892 ჩრდილოეთ დაკოტა, აშშ |
| გარდაცვალების თარიღი |
24 იანვარი, 1970 (77 წლის) კალიფორნია, აშშ |
| ეროვნება | ამერიკელი |
| საქმიანობა | მსახიობი |
| აქტიური | 1920-1940 |
პირადი ცხოვრება
რედაქტირებაკლარკი დაიბადა 1892 წლის 1 მაისს, ლენგდონში, ჩრდილოეთ დაკოტაში.[1] იყო ჩარლზ ვილარდ კლარკისა და კორა როსის ქალიშვილი. მისი დედის ბაბუა იყო ლეონარდ როსი, ბრიგადის გენერალი ამერიკის სამოქალაქო ომში, და დედის დიდი ბაბუა იყო ოსიან მ. როსი, რომელმაც დააარსა ქალაქები ლევისტაუნი, ილინოისი და ჰავანა.
სამი წლის ასაკში, მეი კლარკი ოჯახთან ერთად მინეაპოლისში, მინესოტაში გადავიდა საცხოვრებლად, სადაც განათლება მიიღო ადგილობრივ სკოლებში და სტენლი ჰოლის სკოლაში.[2] შემდეგ მან ნიუ-იორკში ცეკვა შეისწავლა და ერთი წელი ვოდევილის წრეზე გაატარა. იგი აპირებდა ბალეტის მოცეკვავის კარიერის დაწყებას, მაგრამ საბოლოოდ ისეთი წარმატება მოიპოვა, როგორც სცენისა და კინოს მსახიობმა, რომ თავი დაანება ცეკვას, როგორც პროფესიას.
1921 წლის 28 მაისს ბეტი როს კლარკმა იქორწინა არტურ კოლინზზე, ლოს-ანჯელესის ბანკირზე და ბრიტანეთის სამეფო მფრინავების კორპუსის ყოფილ ლეიტენანტზე.[3] წყვილი ერთმანეთს შეხვდა სადილის წვეულებაზე Mother o 'Mine გადაღებების დროს. 1923 წელს კლარკი და მისი მეუღლე ინგლისში გადავიდნენ საცხოვრებლად სადაც იგი გახდა მოქალაქე და სადაც მან განაგრძო კარიერა როგორც სცენისა და კინოს მსახიობმა. 1926 წელს წყვილი საცხოვრებლად ავსტრალიაში გადავიდა, სადაც კლარკი რამდენიმე სპექტაკლში ასრულებდა მონაწილეობას.
არტურ კოლინზი და ბეტი როს კლარკი 1929 წლის ივლისში დაბრუნდნენ შეერთებულ შტატებში.[4] მან განაახლა კინოკარიერა, პირველ რიგში, ითამაშა რამდენიმე მეორეხარისხოვანი როლები, მაგრამ ასევე გამოჩნდა რამდენიმე არაკრედიტირებულ როლში. მისმა ბანკირმა ქმარმა, რომელზეც უარყოფითად იმოქმედა 1929 წელს, საფონდო ბირჟაზე მომხდარმა უოლ სტრიტის კრახმა, დაიწყო სპექტაკლების და ფილმების წარმოება და რეჟისურა.[5]
1930 წელს ბეტი როს კლარკს პატივი მიაგეს, როგორც „მგზნებარე ფემინისტი“, ქალთა ლიგის სან ფრანცისკოს ცენტრის სადილზე.[6] მას აფასებდნენ არჩევნებში ქალთა ხმის უფლების მხარდაჭერისთვის, მიუხედავად იმისა, რომ თავად არ შეეძლო ხმის მიცემა ამერიკის შეერთებულ შტატებში, რადგან არ ჰქონდა მოქალაქეობის საბუთები. იგი საბოლოოდ გახდა აშშ-ს ნატურალიზებული მოქალაქე 1934 წლის 28 დეკემბერს.[7] იმ დროისთვის ბეტი როს კლარკი და არტურ კოლინზი განქორწინდნენ.
ბეტი როს კლარკი გარდაიცვალა 24 იანვარს, 1970 წელს, ლოს-ანჯელესში, კალიფორნიაში. იგი დაკრძალულია ულფორესტ ლონის მემორიალურ პარკში, გლენდეილში, კალიფორნიაში.[8]
სასცენო კარიერა
რედაქტირებაკლარკი სცენაზე პირველად გამოჩნდა ჰოიფაქსის საფონდო კომპანიაში. შემდეგ გამოჩნდა სხვა სპექტაკლებშიც, როგორც პიტსბურგში, ასევე ჰავერჰილში, მასაჩუსეტსში და სიუას ქალაქში, აიოვაში. 1916 წელს მან ითამაშასპექტაკლში " სამართლიანი და თბილი". მისი დებიუტი ბროდვეის თეატრში შედგა 1917 წლის 19 სექტემბერს კომედიის თეატრში სპექტაკლში "ოჯახის გასვლა", სადაც ითამაშა ეველინ დე გასკოინის როლი. იგი გამოჩნდა სპექტაკლში True to Form Bramhall Playhouse- ში, 1921 წლის სექტემბერში, ხოლო ლიანას როლი შეასრულა წითელ ყაყაჩოში, გრინვიჩის სოფელში, 1922 წლის დეკემბერში.
1923 წელს მეუღლესთან ინგლისში გადასვლის შემდეგ, კლარკის სასცენო დებიუტი შედგა ლონდონში, 1924 წლის 2 ივნისს, სამეფო თეატრში, ფიფი მორგანის როლში სპექტაკლში ბაკალავრის ქმრები. როლები შესრულებული აქვს სხვა სპექტაკლებშიც, მათ შორისაა: No Man's Land (1924 წლის დეკემბერი, სანტ-მარტინში, ავგუსტას როლში); მაიმუნების საუბრები (1925 წლის სექტემბერში, დორა ლავანდის როლში); და მინის სახლი (1926 წლის იანვარი, უელსის პრინცის თეატრში, მარგარეტ ქეისის როლში). 1926 წელს კლარკი მუშაობა ავსტრალიის კინოთეატრებში, სადაც მან არაერთ სპექტაკლში მიიღო მონაწილეობა, მათ შორისაა: სტორმი, წვიმა, პატარძალი და სხვა.
1929 წელს შეერთებულ შტატებში დაბრუნების შემდეგ, კლარკმა განაგრძო სცენაზე გამოსვლა, და ასევე ხმოვან ფილმებშიც მონაწილეობდა. მან წამყვანი როლი შეასრულა სპექტაკლში სიკვდილი შვებულებას იღებს, რომლის რეჟისორი იყო მისი მეუღლე. მისი ბოლო ფილმის შემდეგ, 1940 წელს, მან განაგრძო პერიოდულად გამოსვლა ადგილობრივ თეატრალურ სპექტაკლებში.
სქოლიო
რედაქტირება- ↑ Year: 1900; Census Place: Langdon, Cavalier, North Dakota; Roll: 1227; Page: 12A; Enumeration District: 0047; FHL microfilm: 1241227.
- ↑ „Miss Clarke Russian danseuse from Dakota“. The Aberdeen Journal. April 7, 1922.
- ↑ „D. Cupid makes double play and wedding bells now ring for four“. The Seattle Sunday Times. June 19, 1921.
- ↑ Selected Passenger and Crew Lists and Manifests. National Archives, Washington, D.C.
- ↑ Eriksmoen, Curt (April 4, 2009). „Successful Hollywood actress came from Bismarck“. Bismarck Tribune.
- ↑ „Luncheon to honor Betty Ross Clarke“. San Francisco Chronicle. October 23, 1930.
- ↑ National Archives and Records Administration (NARA); Washington, D.C.; Naturalization Index Cards of the U.S. District Court for the Southern District of California, Central Division (Los Angeles), 1915-1976 (M1525); Microfilm Serial: M1525; Microfilm Roll: 4.
- ↑ Resting Places