ტიბერიადის ტბა
ტიბერიადის ტბა, გენესარეთის ტბა, ბაჰრ-ტაბარია (ებრ. ים כנרת) — მტკნარწყლიანი ტბა ჩრდილო-აღმოსავლეთ ისრაელში. მდებარეობს გჰორის ტექტონიკური ქვაბულის ჩრდილოეთ ნაწილში, ზღვის დონიდან 212 მეტრით დაბლა. ფართობი 161-169 კმ². მაქსიმალური სიღრმე 43 მ. დასავლეთი და აღმოსავლეთი ნაპირები კლდოვანია, ჩრდილოეთი და სამხრეთი — დამრეცი. დედამიწის ყველაზე დაბლა მდებარე მტკნარწყლიანი ტბაა. წყლის დონე წლის განმავლობაში ცვალებადია. დასავლეთ სანაპიროზე მდებარეობს ქალაქი ტიბერია. ტიბერიადის ტბაში გაედინება მდინარე იორდანე. მდიდარია თევზით. მოქცეულია იორდანეს რიფტულ ხეობაში, სირია-აფრიკის რღვევის ჩრდილოეთ ნაწილში. ისევე როგორც მკვდარი ზღვა — ტიბერიადის ტბა ამ რღვევის შედეგია. აქვს მომრგვალებულ-წაგრძელებული რომბის ფორმა. სიგრძე 21 კმ, სიგანე 13 კმ. ტიბერიადის ტბა ეწოდა ქალაქ ტიბერიადის (თანამედროვე ტიბერია) სახელის მიხედვით.
| ტიბერიადის ტბა | |
|---|---|
 ტიბერიადის ტბა | |
| კოორდინატები: 32°48′ ჩ. გ. 35°36′ ა. გ. / 32.800° ჩ. გ. 35.600° ა. გ. | |
| მდებარეობა |  ისრაელი
|
| სიმაღლე ზღვის დონიდან | –212 მ |
| სიგრძე | 21 კმ |
| სიგანე | 13 კმ |
| ფართობი | 161-169 კმ² |
| მოცულობა | 3,6-4,3 კმ³ |
| სანაპირო ზოლის სიგრძე | 55-60 კმ |
| საშუალო სიღრმე | 25,6 მ |
| მაქსიმალური სიღრმე | 43 მ |
| აუზის ფართობი | 2730 კმ² |
| ჩამდინარე მდინარეები | იორდანე, ამუდი |
| გამომდინარე მდინარე | იორდანე |
  | |
მოხსენიებულია ძველ აღთქმაში როგორც „კინერეთის ზღვა“ ან „ქინერეთის ტბა“. სახარებაში მრავალჯერ მოიხსენიება როგორც „გალილეის ზღვა“, „ტიბერიადის ზღვა“ და „გენესარეთის ტბა“, უბრალოდ „ზღვა“ ან „ტბა“. ახალ აღთქმაში გენესარეთის ტბა უკავშირდება იესო ქრისტეს საქმიანობასთან დაკავშირებულ მრავალ ნაამბობს. იესო ქრისტემ თავისი ცხოვრების დიდი ნაწილი გაატარა ტბის სიახლოვეს. სწორედ გენესარეთის ტბაზე თევზაობდნენ მოციქულები წმინდა პეტრე და ანდრია მოციქული, როდესაც იყვნენ მოწოდებულნი იესო ქრისტეს მიერ მოციქულთა საქმეში.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ტიბერიადის ტბა“ ვიკისაწყობში.- ტიბერიადის ტბა — სტატია დიდი რუსული ენციკლოპედიიდან (რუსული)
- ტიბერიადის ტბა — სტატია ენციკლოპედია ბრიტანიკიდან (ინგლისური)
