ბახტრიონის ციხის ეკლესია

ბახტრიონის ციხის ეკლესია — ეკლესია ახმეტის მუნიციპალიტეტში, დგას ბახტრიონის ციხის აღმოსავლეთით. ზოგადი ნიშნებით ეკლესია გვიან საუკუნეებს მიეკუთვნება.

ეკლესია უაფსიდოა. ნაგებია რიყის ქვით. შესასვლელი მას სამხრეთიდან აქვს, სარკმლები კი აღმოსავლეთითა და დასავლეთითაა. დარბაზი ერთიანი ცილინდრული კამარითაა გადახურული. ტრაპეზი მარცხენა კუთხეშია მიშენებული.

ლიტერატურა

• დვალი თ.; ბერძენიშვილი ც., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 69.