ბახმაჩი
ბახმაჩი (უკრ. Бахмач) — ქალაქი უკრაინაში, რაიონული ცენტრი. მდებარეობს ჩერნიჰივის ოლქში, მდინარე ბორზენკაზე (დნეპრის აუზი), საოლქო ცენტრიდან 145 კმ-ით სამხრეთ-აღმოსავლეთით. რკინიგზის სადგური (ბახმაჩ-კიევსკი და ბახმაჩი-სატვირთო). ფართობი 18,2 კმ².[1] 18 798 მცხოვრები (2013).[2] პირველად იხსენიება 1147 წელს. სახელწოდება „ბახმაჩ“ თათრულ ენაში აღნიშნავს „ჭაობს“. თანამედროვე ქალაქი წარმოიქმნა XIX საუკუნის 60–70-იან წლებში როგორც მუშათა სოფელი, ძველი ბახმაჩის ადგილზე. 1919 წლის იანვარში აქ გაიმართა ბრძოლა რუსეთის შავი ზღვის დივიზიასა და ბოლშევიკებს შორის. 1923 წლიდან რაიონული ცენტრია, 1938 წლიდან — ქალაქი. 1941 წლის 9 სექტემბერს დაიკავეს ნაცისტური გერმანიის მებრძოლებმა. ოკუპაციის დროს მოქმედებდა პარტიზანული მოძრაობა. გათავისუფლდა 1943 წლის 9 სექტემბერს. 30-იან წლებში განვითარდა როგორც სამრეწველო ქალაქი — ამოქმედდა ერბო-კარაქის ქარხანა, მაუდის ფაბრიკა, მეფრინველეობის ფაბრიკა და სხვ.[1]
| ქალაქი | |||||
|---|---|---|---|---|---|
|
ბახმაჩი Бахмач | |||||
 ბახმაჩის რკინიგზის სადგური | |||||
| |||||
| ქვეყანა |
 უკრაინა | ||||
| ოლქი | ჩერნიჰივი | ||||
| კოორდინატები | 51°10′32″ ჩ. გ. 32°49′38″ ა. გ. / 51.17556° ჩ. გ. 32.82722° ა. გ. | ||||
| დაარსდა | 1781 | ||||
| პირველი ხსენება | 1147 | ||||
| ფართობი | 18,9[1] კმ² | ||||
| ცენტრის სიმაღლე | 144 მეტრი | ||||
| მოსახლეობა | 18 798[2] კაცი (2013) | ||||
| სასაათო სარტყელი | UTC+2 და UTC+3 | ||||
| სატელეფონო კოდი | 4635 | ||||
| საფოსტო ინდექსი | 16500 | ||||
| ოფიციალური საიტი | https://bakhmach-mr.gov.ua/ | ||||
_location_map.svg)  | |||||
სქოლიო რედაქტირება
- ↑ 1.0 1.1 1.2 Чуйко, В. М.. Бахмач უკრაინული. Енциклопедія Сучасної України (2003). ციტირების თარიღი: 12 დეკემბერი, 2021
- ↑ 2.0 2.1 უკრაინის სტატისტიკის ეროვნული კომიტეტი. დაარქივებულია ორიგინალიდან — 2012-10-10. ციტირების თარიღი: 2015-03-03.