ბაქოს მინიატურული წიგნების მუზეუმი

ბაქოს მინიატურული წიგნების მუზეუმი (აზერ. Miniatur Kitab Muzeyi) — მუზეუმი ქალაქ ბაქოს ძველ ნაწილში, ისტორიულ რაიონ იჩერი-შეჰერში, სასახლის ქუჩაზე. ფუნქციონირება დაიწყო 2002 წლის 2 აპრილს. მუზეუმის ექსპონატები შეგროვებულ იქნა ტაირ სალახოვის დის, ზარიფა სალახოვას მიერ 30 წლის განმავლობაში მსოფლიოს 64 ქვეყანიდან. მისი პირადი კოლექცია შეადგენს 6500 წიგნს. მუზეუმში შეგროვებულია ექსპონატები, როგორც რუსეთის იმპერიის დროს გამოშვებულები, ასევე საბჭოთა პერიოდშიც. მასში თავმოყრილია ისეთი წიგნები, რომლებიც გამოცემულია საქართველოში, მოლდოვაში, უკრაინაში, ბელარუსში, შუა აზიის რესპუბლიკებში, ასევე ევროპაში.

ბაქოს მინიატურული წიგნების მუზეუმი
40°21′59″ ჩ. გ. 49°49′57″ ა. გ.
დაარსდა	2002
ქვეყანა	აზერბაიჯანი
მდებარეობა	ბაქო
დირექტორი	ზარიფა სალახოვა
ოფიციალური საიტი	https://minibooks.az

მუზეუმის ფონდებში არის კორნეი ჩუკოვსკის, აგნია ბარტოს, ფიოდორ დოსტოევსკისა და ალექსანდრე პუშკინის იშვიათი გამოცემები.

მუზეუმში გამოფენილია ისეთი ცნობილი კლასიკოსების წიგნები, როგორებიც არიან ვაგიფი, ჰურშიდბანუ ნათავანი, ნიზამი განჯევი, ნასიმი, ფუზული, სამედ ვურღუნი, მირზა ფათალი ახუნდოვი და სხვა.

მუზეუმის ექსპოზიცია

• 
• 
• 

რესურსები ინტერნეტში

• შეგიძლიათ იხილოთ მედიაფაილები თემაზე „ბაქოს მინიატურული წიგნების მუზეუმი“ ვიკისაწყობში.