ბაიკალის ქედი
ბაიკალის ქედი (რუს. Байкальский хребет) — ქედი რუსეთში, ბაიკალის ტბის ჩრდილო-დასავლეთ სანაპიროზე. სიგრძე 300 კმ, მაქსიმალური სიმაღლე 2588 მ (მთა ჩერსკი).[1] აგებულია პროტეროზოური კრისტალური ფიქლებით, კვარციტებით, კირქვებითა და გრანიტებით. დამახასიათებელია ნოტიო კლიმატი. ბაიკალის ტბისკენ მიქცეული კალთები ციცაბოა, 900–1000 მ-მდე დაფარულია ტყესტეპით და ფიჭვის კორომებით. უფრო ზემოთ მუქწიწვიანი ტაიგაა, შუა და ჩრდილოეთ ნაწილში ლარიქსიანი ტაიგა. 1400 მ მაღლა ლარიქსის მეჩხერი ტყეა ქონდარა ფიჭვის რაყებით, მწვერვალებზე მთის ტუნდრა და ქვაყრილებია.[1] სამხრეთ კალთაზე მდებარეობს ბაიკალ-ლენის ნაკრძალი.[2]
| ბაიკალის ქედი | |
|---|---|
| |
| კოორდინატები: 54°00′ ჩ. გ. 108°00′ ა. გ. / 54.000° ჩ. გ. 108.000° ა. გ. | |
| ქვეყანა |  რუსეთი
|
| უმაღლესი წერტილი | ჩერსკი |
| სიმაღლე | 2588 მ |
| სიგრძე | 300 კმ |
  | |
სქოლიო
რედაქტირება- ↑ 1.0 1.1 Байкальский хребет | Большая российская энциклопедия. დაარქივებულია ორიგინალიდან — 2020-10-01. ციტირების თარიღი: 2021-01-24.
- ↑ Байкало-Ленский заповедник