აფელინუსი
აფელინუსი (ლათ. Aphelinus mali) — სიფრიფანაფრთიანი პარაზიტი მწერი ქალციდების (Chalcididae) ოჯახისა. სხეულის სიგრძეა 1,2 მმ. იყენებენ ვაშლის საშიში მავნებლის ბურტყლა ბუგრის წინააღმდეგ. აფელინუსი ბუგრის სხეულში დებს კვერცს, რომლიდანაც მატლი ვითარდება, ბუგრი კი იღუპება. აფელინუსი გავრცელებულია ჩრდილოეთ ამერიკაში. ყოფილ სსრკ-ში ორჯერ შემოიყვანეს (1926 და 1930 წლებში) და ლაბორატორიის პირობებში გამრავლების შემდეგ გაუშვეს კავკასიასა და უკრაინაში ბუგრებით დაზიანებულ ბაღებში. საქართველოში აფელინუსი პირველად 1931 წელს შემოიყვანეს. მისი აკლიმატიზაციის შემდეგ ბურტყლა ბუგრის მიერ მოყენებულმა ზარალმა საგრძნობლად იკლო.
| აფელინუსი | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| მეცნიერული კლასიფიკაცია | |||||||||||||
| |||||||||||||
| ლათინური სახელი | |||||||||||||
| Aphelinus mali | |||||||||||||
| |||||||||||||
ლიტერატურა რედაქტირება
- ქართული საბჭოთა ენციკლოპედია, ტ. 2, თბ., 1977. — გვ. 15.