აუთერ ბენქსი (ტელესერიალი)
გარე ნაპირი (ინგლ. Outer Banks) — ამერიკული სათავგადასავლო, მისტიური დრამა თინეიჯერების შესახებ, რომელიც შექმნილია ჯოშ პიტის, ჯონას პეიტის და შენონ ბურკის მიერ. პრემიერა გაიმართა Netflix-ზე 2020 წლის 15 აპრილს. სერიალში მოქმედება ხდება ჩრდილოეთ კაროლინაში, აუთერ-ბენქსზე და აღწერილია თინეიჯერების კონფლიქტი დაკარგული განძისთვის. 2021 წლის დეკემბერში სერიალი განახლდა და 23 თებერვალს მესამე სეზონის პრემიერა გაიმართა. მესამე სეზონის პრემიერის შემდეგ სერიალი მეოთხე სეზონსთვისაც განახლდა.
| „გარე ნაპირი“ | |
|---|---|
 | |
| Outer Banks | |
| ჟანრი | დეტექტივი, დრამა, კრიმინალური, მძაფრ-სიუჟეტიანი |
| რეჟისორი | ჯოშ პეიტი, ჯონას პეიტი, შენონ ბურკი |
| როლებში | ჩეიზ სტოკსი, მადელინ კლაინი, მადისონ ბეილი, ჯონათან დევისი, რუდი პანკოვი, ოსტინ ნორთი, ჩარლზ ესტენი, დრიუ სტარკი, კარლასია გრანტი |
| სიმღერის ტექსტის ავტორი | ფილ ეისლერი |
| პრემიერა | 2020 |
| გამოსვლის თარიღი | 15 აპრილი |
| ხანგრძლივობა | 42-49 წთ |
| ქვეყანა | ამერიკის შეერთებული შტატები |
| ენა | ინგლისური, ქართული |
| საიტი | Netflix |
სერიალი მოგვითხრობს თინეიჯერების ჯგუფის შესახებ, რომლებიც ჩრდილოეთ კაროლინაში მდებარე აუთერ ბანქსის სანაპიროზე წასვლას გადაწყვეტენ, რა დროსაც შემთხვევით ნამდვილი საგანძურის რუკას იპოვნიან. ახალგაზრდა გმირები ლეგენდარულ განძზე ნადირობას იწყებენ, რომელიც ერთ-ერთი მათგანის მამის გაუჩინარებას უკავშირდება. თუმცა, აუთერ ბანქსის გარე წყლები თავისი ცვალებადობით არის ცნობილი, რამაც მრავალი გემი იმსხვერპლა, ამიტომ ეს ადგილი საკმაოდ საშიშია, მაგრამ ბევრ ადამიანს იზიდავს. სწორედ აქ მდებარეობს როანოკეს „გაუჩინარებული კოლონია“. შედეგად გმირები ახალ თავგადასავლებს მიეცემიან და საიდუმლოებების სამყაროში იძირებიან „გარე ნაპირი“ Red Canoe Production-ის მიერ გამოვიდა 2020 წლის 15 აპრილს, აშშ-ში.[1]