ართური და ორი სამყაროს ომი
ართური და ორი სამყაროს ომი (ინგლ. Arthur 3: The War of the Two Worlds, ფრანგ. Arthur et la guerre des deux mondes) — 2010 წლის ინგლისურენოვანი ფრანგული ანიმაციური/მოქმედებითი ფილმი, რომლის სცენარის ავტორი, პროდიუსერი და რეჟისორია ლიუკ ბესონი, ხოლო დაფუძნებულია თავისივე რომანზე იმავე სახელწოდებით. მთავარ როლში მონაწილეობს ფრედი ჰაიმორი. ფილმი აწარმოა EuropaCorp-მა და წარმოადგენს ბესონის რომანების საბოლოო ეკრანიზაციას. მისი წინამორბედი ფილმებია: „ართური და უჩინმაჩინები“ (ინგლ. Arthur and the Invisibles) და „ართური და მალთაზარის შურისძიება“ (ინგლ. Arthur and the Revenge of Maltazard). სიუჟეტის დასაწყისში ართურმა, რომელსაც დასაკარგი არაფერი აქვს, ნორმალურ ზომამდე გაზრდა უნდა მოახერხოს და დაუპირისპირდეს მალთაზარს, რომელიც მთელი სამყაროს დაპყრობით იმუქრება.
| „ართური და ორი სამყაროს ომი“ | |
|---|---|
 ფრანგული თეატრალური პოსტერი | |
| რეჟისორი | ლიუკ ბესონი |
| პროდიუსერი |
ლიუკ ბესონი სტეფან ლეკონტი ემანუელ პრევოსტი |
| სცენარის ავტორი |
ლიუკ ბესონი სელინ გარსია |
| მუსიკა | ერიკ სერა |
| ოპერატორი | ტიერი არბოგასტი |
| სტუდია |
EuropaCorp Apipoulaï Avalanche Productions |
| დისტრიბუტორი | EuropaCorp |
| გამოსვლის თარიღი |
|
| ხანგრძლივობა | 101 წუთი |
| ქვეყანა |
 საფრანგეთი |
| ენა | ინგლისური |
| ბიუჯეტი |
65 მილიონი ევრო[1] 91 მილიონი აშშ დოლარი) |
| შემოსავალი | 30,698,619 აშშ დოლარი[2] |
სიუჟეტი
რედაქტირებასიუჟეტში გრძელდება მეორე ფილმის ბოლოს ნაჩვენები მოვლენები. მალთაზარი ადამიანის ზომამდე გაიზარდა და ართური მინიატურულ ფორმაში მოიტოვა. სელენიასა და ბეტამეჩის თანხლებით, ართური თავისი სახლიდან გამადიდებელი ელექსირის მოპოვებას შეეცდება, რასაც მალთაზარი თავისი მიმდევრების გასაძლიერებლად ჩაიგდებს ხელში. ართური ადამიანურ ზომას დედოფალი ფუტკრის მიერ მიცემული ელექსირით იბრუნებს. არჩიბალდი დარკოსს, მალთაზარის შვილს მხარეების შეცვლაში დაარწმუნებს და მას მეორე ელექსირით ადიდებს. ართური და დარკოსი მალთაზარს უპირისპირდებიან, სელენია და ბეტამეჩი მალთაზარს მინიპუტის ზომამდე აპატარავებენ, რის შემდეგაც მას ართური იჭერს, ხოლო აშშ-ის არმია მალთაზარის მიმდევრებს დაამარცხებს. ამის შემდეგ მალთაზარი ართურის ოჯახში ტყვედ რჩება.
მსახიობები
რედაქტირება- ფრედი ჰაიმორი — ართურ მონტგომერი
- ლუ რიდი — იმპერატორი მალთაზარი
- სელენა გომესი — პრინცესა სელენია. ფრანგულ ვერსიაში პერსონაჟი მილენ ფარმერმა გაახმოვანა.
- დაგ რენდი — პრინცი ბეტამეჩი და კლერკი
- მია ფეროუ — დეიზი სუშე
- რონ კროუფორდი — არჩიბალდი
- იგი პოპი — დარკოსი; მან ჩაანაცვლა ჯეისონ ბეიტმანი, რომელმაც პერსონაჟი პირველ ფილმში გაახმოვანა.
- რობერტ სტენტონი — არმანდ მონტგომერი
- პენი ბალფური — როზეტა „როუზ“ სუშე მონტგომერი
- რიჩარდ უილიამ დეივისი — ემი
- ჯინ ბეტოტე ნამბია — ბოგო
- სტივ როუტმანი — ექიმი სტიტჩი
- დევიდ გასმანი — მეფე, ბოგო და სხვა პერსონაჟები
- კუპერ დანიელსი — ჯორჯ ლუკასი
- ნორმანი სტოკლი — მერი
- დაშიელ ჰერმან ივესი — მოადგილე საიმონ სუშე
- ჯოსეფ რეზვინი — ბრედი
- სტივენ შაგოვი — კაპიტანი ბელრაივი
- სტივენ კროსი — მეხანძრე
- ენტონი ჰიკლინგი — დაგლასი
- მაიკ პაუვერსი — გრაფიტის ხელოვანი
მიღებული შეფასებები
რედაქტირებაRotten Tomatoes-ზე ფილმს 20%-იანი დადებითი შეფასება აქვს ხუთ კრიტიკოსზე დაყრდნობით, საშუალოდ 4.8/10 ქულით.[3]
დევიდ ნუსიარმა Reelfilm.com-ზე ფილმს „მისი ორი წინამორბედის მცირეოდენი გაუმჯობესება“ უწოდა და ხუთიდან 2 ქულით შეაფასა.[4]
რესურსები ინტერნეტში
რედაქტირებასქოლიო
რედაქტირება- ↑ ჯორდან მინცერი. (14 ოქტომბერი, 2010 წ.) მიმოხილვა: „ართური და ორი სამყაროს ომი“. Variety. ციტირების თარიღი: 14 მაისი, 2016 წ.
- ↑ ართური და ორი სამყაროს ომი. ციტირების თარიღი: 14 მაისი, 2016 წ.
- ↑ Arthur and the Invisibles 3: Arthur and the War of Two Worlds (2011). Fandango Media (2011). ციტირების თარიღი: 12 July 2011
- ↑ Nusair, David. (24 March 2011) The Films of Luc Besson. Reel Film Reviews. ციტირების თარიღი: 12 July 2020