არისტარქე კოლხის დრაქმა

არისტარქე კოლხის დრაქმა — ვერცხლის მონეტა (წონა 3,25 - 3,75 გ), მოჭრილი კოლხეთის მმართველის არისტარქეს სახელით ძვ. წ. 52 - ძვ. წ. 51 წლებში. მონეტის შუბლზე გამოსახულია გვირგვინოსანი მამაკაცი — არისტარქე, ანდა ჰელიოსი თუ პომპეუსი. ზურგზე გვირგვინოსანი ქალღმერთი და ბერძნული ზედწერილი: „არისტარქესი [რომელიც] კოლხეთში მმართველობდა [წელსა] თორმეტსა“.

ლიტერატურა

• კაპანაძე დ., ქართული ნუმიზმატიკა, თბ., 1969;

• დუნდუა გ., ქართული საბჭოთა ენციკლოპედია, ტ. 1, თბ., 1975. — გვ. 569.