არავის ვეყმოთ, არცა ვემონოთ, გარეშე ღვთისა დამბადებლისა

არავის ვეყმოთ, არცა ვემონოთ, გარეშე ღვთისა დამბადებლისა — პიესა რვა სცენად, ჟანრობრივად დოკუმენტური დრამა, დაწერილი 2010 წელს მიხო მოსულიშვილის მიერ.

არავის ვეყმოთ, არცა ვემონოთ, გარეშე ღვთისა დამბადებლისა
ავტორი	მიხო მოსულიშვილი
პერსონაჟები	პირველი, მეორე, მესამე, მეოთხე, ქალი
პრემიერა	2010
პრემიერის ადგილი	ნოდარ დუმბაძის სახელობის სახელმწიფო ცენტრალური საბავშვო თეატრი
ენა	ქართული
თემა	იმპერიის წინააღმდეგ
ჟანრი	დრამა
მოქმედების ადგილი	სანქტ-პეტერბურღი, საქართველო

შინაარსი

პიესის მოქმედება წარმოებს ორი საუკუნის განმავლობაში, – დღიდან რუსეთის იმპერიის საქართველოში შემოსვლისა (1801 წელი), ვიდრე აფხაზეთის და სულ ბოლო, 2008 წლის რუსეთ-საქართველოს ხუთდღიან ომამდე.

ამ პიესაში დაუფარავად და მართებულად არის წარმოდგენილი ძირითადი საკვანძო მომენტები რუსეთისა და საქართველოს, როგორც იმპერიისა და დამონებული ქვეყნის ურთიერთობის ისტორიიდან.

პიესაში გაცოცხლებული არიან ის ქართველი გმირები, პოლიტიკოსები თუ მეომრები, ვინც თავისი სამშობლოს თავისუფლებას შესწირა თავი და მტრისათვის აუღებელ ციხე-სიმაგრეებად, ჩვენთვის კი სამშობლოს სიყვარულის და თავდადების მაგალითებად იდგნენ და დგანან დღესაც.

პიესაში დრამატულად გაცოცხლებულია სცენები მერაბ კერვალიშვილის წიგნიდან „სიკვდილის ქრონიკები ანუ წვიმის რექვიემი აფხაზეთის მთებში“ აფხაზეთის ომიდან; და ასევე გიორგი ყარყარაშვილის წიგნიდან „ეს ჩვენი სამშობლო იწვის“ რუსეთ-საქართველოს ომიდან.

მაშინდელი პრესის მასალების მიხედვით პიესაში წარმოდგენილი არიან 2008 წლის 11 აგვისტოს გამართული შინდისის ბრძოლის გმირები: მიხეილ დვალიშვილი, მალხაზ აბაშიძე, ამირან შაინიძე, ალექსანდრე ონიანი, რუსლან წულაძე, ზვიად კაცაძე, ილია გაბუნია, რომან ზოიძე, კახა კოშაძე, ემზარ წილოსანი, ფელიქს კაკაურიძე, ვეფხია ჯიშკარიანი, მარლენ ბარამია, ილია შეყლაშვილი, ირაკლი ჯანელიძე, შმაგი კუპატაძე, ნიკოლოზ ფორჩხიძე.

პიესაში მთლიანად შედის ოთარ ჭილაძის მიერ „მეომართა ლიგის“ ყრილობაზე წარმოთქმული მოკლე სიტყვა – „გახსოვდეს, წინ მარადისობაა!“

პერსონაჟები

• პირველი
• მეორე
• მესამე
• მეოთხე
• ქალი

დადგმები

• 2010 — რუსთავის კულტურის ცენტრი, რეჟისორი გეგა ქურციკიძე
• 2012 — ნოდარ დუმბაძის სახელობის სახელმწიფო ცენტრალური საბავშვო თეატრი, რეჟისორი გეგა ქურციკიძე

გამოცემები

• 2010 წ. — „თითქმის პიკასო და ცოტა ბოსხი, მარჯვნიდან...“.
• 2010 წ. — „საბა“ ელექტრონული წიგნების სახლი, გამომცემლობა „მიმოსი“

რესურსები ინტერნეტში

• არავის ვეყმოთ, არცა ვემონოთ, გარეშე ღვთისა დამბადებლისა დაარქივებული 2016-09-09 საიტზე Wayback Machine.
• წიგნის ბიბლიოთეკაში
• თითქმის პიკასო და ცოტა ბოსხი, მარჯვნიდან... დაარქივებული 2013-05-31 საიტზე Wayback Machine.