ანზორ დადვანი

ანზორ დადვანი (დ. 29 დეკემბერი, 1935, მესტია — გ. 2010) — ქართველი ექიმი, სპორტსმენი.

ბიოგრაფია

1959 წელს დაამთავრა თბილისის სახელმწიფო სამედიცინო ინსტიტუტი, 1964 წელს თბილისის სახელმწიფო სამედიცინო ინსტიტუტის ორდინატურა ქირურგიაში.

სტუდენტობის წლებში სათხილამურო სპორტით იყო გატაცებული და სწრაფდაშვებაში სამჯერ გახდა საქართველოს ჩემპიონი. 1963 წელს ქალაქ კურსკში სამთო სპორტის შეჯიბრებაში გაიმარჯვა და დაამყარა რეკორდი, რომელიც დღემდე არცერთ სპორტსმენს არ მოუხსნია.1985–1995 წლებში მუშაობდა მესტიის რაიონულ საავადმყოფოში ქირურგად.1995–2009 წლებში თბილისის პირველ საავადმყოფოში ქირურგიული განყოფილების გამგედ. ეკავა თორაკოაბდომინატური კლინიკის დირექტორის მოადგილის თანამდებობა.

ჯილდოები

• სპორტის დამსახურებული ოსტატი.
• საქართველოს ჩემპიონი (სათხილამურო სპორტი).

ლიტერატურა

• სვანეთი და სვანები / ირაკლი დვალი, გივი ქურდიანი.თბ., 2014.გვ. 166

რესურსები ინტერნეტში

• ანზორ დადვანი — საქართველოს ბიოგრაფიული ლექსიკონი