ანეტო
ანეტო (ესპ. Aneto) — მწვერვალი ესპანეთში. პირენეს მთების უმაღლესი წერტილი. სიმაღლე ზღვის დონიდან 3404 მ. მდებარეობს მალადეტის გრანიტულ მასივზე. ადმინისტრაციული თვალსაზრისით მოქცეულია უესკის პროვინციაში. სიმაღლით ესპანეთის რიგით მესამე მწვერვალია. ჩრდილოეთ კალთაზე არის რამდენიმე მცირე მყინვარი და მარადი თოვლი. ცნობილია აგრეთვე ფრანგული პიკ-დე-ნეტუს სახელწოდებით, რომელიც იშვიათია სიტყვახმარებაში, რადგან მწვერვალი მთლიანად ესპანეთის ფარგლებშია მოქცეული. მყინვარებით დამუშავებული მთის ხეობები, ანუ ტროგები და გიგანტური ჯამისებრი ღრმულები, ანუ მყინვარული ცირკები ძველ გამყინვარებაზე მიუთითებს. ფერდობები 2300 მ-მდე შემოსილია ბუჩქნარითა და მთის ფიჭვით, უფრო მაღლა ალპური მდელოა. მთისძირში გადის გზატკეცილი საფრანგეთსა და ესპანეთს შორის. პირველი ასვლა განხორციელდა 1842 წლის 20 ივლისს.
| ანეტო | |
|---|---|
 ანეტო | |
| კოორდინატები: 42°37′56″ ჩ. გ. 00°39′28″ ა. გ. / 42.63222° ჩ. გ. 0.65778° ა. გ. | |
| ქვეყანა |  ესპანეთი
|
| ტერიტორიული ერთეული | უესკის პროვინცია |
| სიმაღლე | 3404 მ |
| ქედი | პირენეს მთები |
  | |
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ანეტო“ ვიკისაწყობში.- ანეტო — გეოგრაფიული ენციკლოპედია (რუსული)
