ანასტასია ბაგრატიონ-დავითიშვილი

ანასტასია (ტასო) ალექსანდრეს ასული ბაგრატიონ-დავითიშვილი-მაჩაბლისა (დ. 1869 — გ. 1917, აბასთუმანი) — ქართველი საზოგადო მოღვაწე, იყო წერა-კითხვის გამავრცელებელი საზოგადოების თბილისის განყოფილების თავმჯდომარე. ხელს უწყობდა ქართული თეატრის განვითარებას. თბილისის გუბერნიის თავადაზნაურობის წინამძღოლის, გიორგი ბაგრატიონ-დავითიშვილის და. დაქორწინებული იყო მწერალსა და საზოგადო მოღვაწემ ივანე მაჩაბელზე.

ანასტასია ბაგრატიონ-დავითიშვილი
დაბადების თარიღი	1869
გარდაცვალების თარიღი	1917
გარდაცვალების ადგილი	აბასთუმანი
ეროვნება	ქართველი
მოქალაქეობა	რუსეთის იმპერია

ანასტასია ბაგრატიონ-დავითიშვილი გარდაიცვალა 1917 წელს. იმ დროინდელი პრესა იუწყება:

„ან. მაჩაბლის გარდაცვალების გამო ქართველ მსახიობთა საპროფესიო კავშირის საბჭომ თავის სხდომაზე 4 აგვისტოს 1917 წ. განიხილა აწ განსვენებულ ანასტასია ალექსანდრეს ასულის მაჩაბლის დიდი ღვაწლი ქართულ თეატრისადმი და მისი დაუღალავი ზრუნვა ქართველ მსახიობის ნივთიერ და სულიერ გაუმჯობესებისათვის და დაადგინა: პირველ პენსიას, რომელსაც მსახიობთა კავშირი დაუნიშნავს რომელიმე მსახიობს, დაერქვას ანასტასია ალექსანდრეს ასულის მაჩაბლის სახელობის პენსია, ხოლო გვირგვინის ნაცვლად 25 მანეთი გადაეცეს ქართულ გიმნაზიასთან არსებულ უფასო სასადილოს გამგეობას.“

ფოტოალბომი

• 
  სხედან: მარცხნივ ანასტასია (ტასო) ბაგრატიონ-დავითაშვილი და მისი და - ბარბარე (ბაბო) ბაგრატიონ-დავითაშვილი
• 
  ანასტასიას და - ბარბარე (ბაბო) ბაგრატიონ-დავითაშვილი, სარაჯიშვილის კონიაკის სარეკლამო აბრაზე

ლიტერატურა

• ალექსანდრე როინაშვილი პირველი ქართველი მესურათხატე, 1846-1898.-წიგნ.II.-თბ.,2007.-გვ.22.
• მჭედლიშვილი ჯ. მაჩაბელზე ლეგენდების გარეშე.-თბ.,2007.-გვ.190.
• გაიპარაშვილი ზ. საუკუნის ნიშანსვეტი.-თბ.,2007.-გვ.95.
• მდივნიშვილი დ. მშვენიერთა სავანე.-თბ.,1999.-გვ.48.
• ომეგა.-2002.-#8.-გვ.48.
• ფერაძე ლ. შეწყვეტილი სიცოცხლე: ივანე მაჩაბელი.-თბ.,2004.-გვ.205.
• Чихладзе Н. Грузинские женщини-деят. национ. культуры (XIX-XX в.).-Тб.,1987.-с.114.
• გრიგოლია თ. ასე უყვარდათ უწინ...-თბ.,2011.-გვ.36.
• ქალები წარსულიდან-მაგალითი მომავლისათვის.-[თბ.,2014].-გვ.16.