ალტერნატიული როკი
ალტერნატიული როკი (ასევე, ალტერნატიული მუსიკა ან უბრალოდ ალტერნატივა) (ინგლ. alternative music, ასევე, ძირითადად დიდ ბრიტანეთში, — indie) როკ მუსიკის ჟანრია რომელიც 1980-იან წლებში გამოჩნდა და პოპულარობა 1990-იან წლებში მოიპოვა. ტერმინი „ალტერნატიული“ გამოგონებულ იქნა, რათა აღეწერა პანკ-როკით შთაგონებული ჯგუფები დამოუკიდებელი ხმისჩამწერი ლეიბლებით, რომელიც იმ დროის მეინსტრიმულ ჟანრებში არ ჯდებოდნენ. როგორც მუსიკალური ჟანრი, ალტერნატივა შეიცავს სხვადასხვა ქვეჟანრებს რომლებიც ამოტივტივდნენ დამოუკიდებელი მუსიკიდან ეს ჟანრები არიან: გრანჟი, ბრიტპოპი, გოთიკური როკი, და ინდი-პოპი. 80-იან წლებში ალტერნატიული მუსიკიდან მხოლოდ რამდენიმე ჯგუფი იყო პოპულარული. ორმა ასეთმა ჯგუფმა R.E.M. და The Cure დიდი კომერციული მოგება ნახა, მაგრამ ნამდვილი წარმატება ალტერნატიულმა როკმა 90-იან წლებში მოიპოვა, როდესაც მეინსტრიმში ნირვანა გამოჩნდა. 1991 წელს, სინგლის „Smells Like Teen Spirit-ის“ წყალობით, ჯგუფმა პოპულარული გახადა ალტერნატიული როკის ერთ-ერთი ქვეჟანრი — გრანჟი. პარალელურად, სიეტლში დაარსებულმა გრანჟ ჯგუფებმა ასევე მოიპოვეს პოლულარობა და შედეგად, 1990-იანი წლების აშშ-ს რადიოსადგურებსა და მუსიკალურ ტელევიზიებში ალტერნატიული როკი დომინანტ ჟანრად იქცა.
| ალტერნატიული როკი | |
|---|---|
| ჟანრობრივი წარმომავლობა |
პანკ-როკი პოსტ-პანკი ახალი ტალღა ჰარდკორ-პანკი |
| კულტურული წარმომავლობა | ადრეული 1980-იანების დიდი ბრიტანეთი და აშშ |
| დამახასიათებელი ინსტრუმენტები | გიტარა - ბასი - დასარტყმელი საკრავები |
| ქვეჟანრები | |
| ბრიტპოპი - კოლეჯ-როკი - დრიმ-პოპი - გოთიკური როკი - გრანჟი - ინდი-პოპი - ინდი-როკი - ნოიზ-პოპი - ფეისლი ანდერგრაუნდი - პოსტ-როკი - შუგეიზინგი - ტუი პოპი | |
| აღრეული ჟანრები | |
| ალტერნატიული მეტალი - გოთაბილი - ინდუსტრიული როკი - მედჩესტერი - პოსტ-პანკის აღორძინება - რაიოტ გრრრლი | |
| რეგიონული განშტოებები | |
| მასაჩუსეტსი - სიეტლი - ილინოისი - მერილენდი - მანჩესტერი | |
| სხვა თემები | |
| ჯგუფები - კოლეჯის რადიო - ისტორია - ინდი მუსიკა - ლოლაპალუზა | |
ტერმინი
რედაქტირებასანამ ალტერნატიულ როკს ის სახელი დაერქმეოდა რაც დღეს ჰქვია ბევრი სხვა აღნიშვნვა გამოიცვალა. 80 იან წლების ამერიკაში მას კოლეჯ-როკს უწოდებდნენ, ინგლისში კი მას ინდის ეძახდნენ. სიტყვა ალტერნატივა პირველად 1980-იანების შუა წლებში გაჟღერდა, მაგრამ ოფიციალურად ტერმინი ალტერნატიული როკი 1990 წელს დამკვიდრდა.
გადახედვა
რედაქტირებაალტერნატივა არსებითად არის „underground“ მუსიკა, რომელიც 80 იანების შუაგულში ამოტივტივდა პანკ-როკ მოძრაობის კვალდაკვალ. ალტერნატიული როკ ჯგუფები 80 იანი წლებში დაშორებულნი იყვნენ მეინსტრიმისგან და კომერციული წარმატებისგან. ისინი ძირითადად პატარა კლუბებში უკრავდნენ მცირერიცხვოვანი ფანების თანხლებით. ალტერნატიული ჯგუფისთვის დამახასიათებელი ინსტრუმენტებია გიტარა ბას-გიტარა დასარტყამი და ხანდახან პიანინო. პიანინოს ძირითადად ბრიტპოპ-ჯგუფები იყენებენ (coldplay keane) ამ ჟანრის ჯგუფები ხშირად იყენებენ fuzz და feedback ეფექტებს გიტარებზე. ეს განსაკუთრებით ერთ-ერთ ქვეჟანრ Grunge-ში არის შესამჩნევი. ალტერნატივის ტექსტები სხვა როკის ჟანრებზე მეტად ეხება სოციალურ თემებს: ნარკოტიკებს, დეპრესიას, ალკოჰოლს და ასე შემდეგ. მიუხედავად იმისა რომ რომ 80-იანებს არტისტების ალბომები არცთუისე დიდი ტირაჟით იყიდებოდა მათ მაინც დიდი გავლენა მოახდინეს გვიანდელ ალტერნატიულ ჯგუფებზე და საფუძველი ჩაუყარეს მათ წარმატებას.
ლიტერატურა
რედაქტირება- Harris, John. Britpop!: Cool Britannia and the Spectacular Demise of English Rock. Da Capo Press, 2004. ISBN 0-306-81367-X.
- Lyons, James. Selling Seattle: Representing Contemporary Urban America. Wallflower, 2004. ISBN 1-903364-96-5.
- Reynolds, Simon. Rip It Up and Start Again: Postpunk 1978–1984. Penguin, 2006. ISBN 0-14-303672-6.