ალექსანდრე ალადაშვილის ქუჩა

ალექსანდრე ალადაშვილის ქუჩა — ქუჩა თბილისში, ისნის რაიონში (ავლაბარი); კონსტანტინე ერისთავის ქუჩიდან ამავე ქუჩის შესახვევამდე. წარმოიქმნა XIX საუკუნის ბოლოს. თავდაპირველად ნახიჩევანის შესახვევი ერქვა (ასეა შეტანილი თბილისის გამგეობის მიერ 1903 წელს შედგენილ ქუჩების სიაში). თბილისის 1934 წლის გეგმაზე დატანილი, როგორც ნახიჩევანის ქუჩა. 60-იან წლებში ალექსანდრე ალადაშვილის სახელი ეწოდა.

საერთო ინფორმაცია
ქვეყანა	საქართველო
ქალაქი	თბილისი
რაიონი	ისნის რაიონი
წინა სახელები	ნახიჩევანის შესახვევი, ნახიჩევანის ქუჩა

ალექსანდრე ალადაშვილის შესახვევი

ალექსანდრე ალადაშვილის შესახვევი —შესახვევი თბილისში, ისნის რაიონში (ავლაბარი); კონსტანტინე ერისთავის ქუჩიდან მარტყოფის ქუჩამდე. დატანილია თბილისის 1934 წლის გეგმაზე როგორც ნახიჩევანის შესახვევი.

ლიტერატურა

• ენციკლოპედია „თბილისი. ქუჩები, გამზირები, მოედნები“, თბ., 2008. — გვ. 16, ISBN 978-99928-20-35-3.