ალეკო შუღლაძე

ალეკო შუღლაძე (დ. 1965) — ქართველი მწერალი, კინორეჟისორი და სცენარისტი.

ალეკო შუღლაძე
დაბადების თარიღი	1965 (58–59 წლის)
დაბადების ადგილი	თბილისი
საქმიანობა	მწერალი, რეჟისორი, სცენარისტი
ენა	ქართული
ეროვნება	ქართველი
ალმა-მატერი	თსუ

ბიოგრაფია

განათლება

დაიბადა თბილისში. 1987 წელს დაამთავრა თბილისის პოლიტექნიკური ინსტიტუტი. პარალელურად სწავლობდა თბილისის სახელმწიფო უნივერსიტეტის ხელოვნებათმცოდნეობის ფაკულტეტზე, კინორეჟისორის სპეციალობით, რომელიც 1989 წელს დაამთავრა.

კინოკარიერა

1989-1993 წლებში მუშაობდა საქართველოს კინოსტუდიაში. 1994-1997 წლებში იყო მარგო კორაბლიოვას პერფორმანსის თეატრის არტისტი. 1998-2001 წლებში კინორეჟისორად მუშაობდა „კავკასიურ სახლში“, რა დროის მანძილზეც გადაიღო ათამდე დოკუმენტური ფილმი ძალადობის წინააღმდეგ. 2001-2003 წლებში რეჟისორად და სცენარისტად მუშაობდა არასამთავრობო ორგანიზაციაში „სტუდიომობილი - აქცენტი მოძრაობაზე“.

სამწერლო კარიერა

წერა 1989 წელს დაიწყო. 2001 წელს მისმა მოთხრობამ „პასუხები ერთ-ერთი მცირეტირაჟიანი ჟურნალისთვის“ მერიის სპეციალური პრიზი მოიგო. 2002 წელს გამოსცა პირველი რომანი „სამსარა“. მას მოჰყვა მოთხრობათა კრებულები: „გაქცევის მცდელობა“ (2001) და „წიგნების კაცი“ (2015). 2016 წელს ავტორმა გამოაქვეყნა რომანი „გადამალვა“, რომლისთვისაც მიიღო პრემია საბა საუკეთესო რომანის კატეგორიაში.

ბიბლიოგრაფია

მოთხრობათა კრებულები

• „გაქცევის მცდელობა“ (2001)
• „წიგნების კაცი“ (2015)

რომანები

• „სამსარა“ (2002)
• „გადამალვა“ (2016)

რესურსები ინტერნეტში

• ალეკო შუღლაძე — საქართველოს ბიოგრაფიული ლექსიკონი