აკაპულკო
აკაპულკო (Acapulco, ოფიც.: Acapulco de Juárez, აკაპულკო დე ხუარესი) — ქალაქი და მნიშვნელოვანი საზღვაო პორტი მექსიკის წყნარი ოკეანის სანაპიროზე, გერეროს შტატში, 300 კმ-ში მეხიკოს სამხრეთ-დასავლეთით. ქალაქი გაშენებულია ღრმა, ნახევრად მორკალული ყურის ირგვლივ. 2005 წლის აღწერის მიხედვით ქალაქის მოსახლეობა 616 394 ადამიანს შეადგენდა. სახელწოდება „აკაპულკო“ მომდინარეობს ნაუატლის ენიდან და ნიშნავს „დიდი სელის ადგილს“.
| ქალაქი | |||
|---|---|---|---|
|
აკაპულკო Acapulco de Juárez | |||
 აკაპულკოს სანაპირო | |||
| |||
| ქვეყანა |
 მექსიკა | ||
| შტატი | გერერო | ||
| კოორდინატები | 16°51′49″ ჩ. გ. 99°52′57″ დ. გ. / 16.86361° ჩ. გ. 99.88250° დ. გ. | ||
| დაარსდა | 1520 | ||
| ფართობი | 1,880.60 კმ² | ||
| ცენტრის სიმაღლე | 30 მ | ||
| ოფიციალური ენა | ესპანური ენა | ||
| მოსახლეობა | 717,766 კაცი (2005) | ||
| სასაათო სარტყელი | UTC-6, ზაფხულში UTC-5 | ||
| სატელეფონო კოდი | 744 | ||
| საფოსტო ინდექსი | 39300–39937 | ||
| ოფიციალური საიტი | acapulco.gob.mx | ||
  | |||
აკაპულკოს ტერიტორია ევროპელთათვის ესპანელმა ერნან კორტესმა აღმოაჩინა 1531 წელს. 1550 წელს აქ პირველი დასახლება გაჩნდა. ესპანური კოლონიური პერიოდის დროს აკაპულკო უმნიშვნელოვანესი პორტი იყო გემებისთვის, რომლებიც აბრეშუმსა და სანელებლებს ატარებდნენ აზია-წყნარი ოკეანის რეგიონებიდან. 256 წლის განმავლობაში, ყოველწლიური სავაჭრო ვოიაჟი, ცნობილი როგორც მანილას გალეონი, იწყებდა მოგზაურობას აკაპულკოდან ფილიპინებისკენ, რაც საბოლოოდ შეწყდა მექსიკის დამოუკიდებლობისთვის ომის გამო. მოგვიანებით აკაპულკო მნიშვნელოვანი საზღვაო კურორტი და საერთაშორისო ტურიზმის ცენტრი გახდა.