ათეისტური სარეკლამო კამპანია
ათეისტური სარეკლამო კამპანია — დიდი ბრიტანეთისა და სხვა ქვეყნების საზოგადოებრივ ტრანსპორტზე განთავსებული ათეისტური მიმართულების მქონე რეკლამები, რომელიც ევანგელისტური ეკლესიის მიმდევრების ანალოგიური რეკლამის საპასუხოდ განთავსდა.[1]
კამპანია წამოიწყო ამერიკელმა ჟურნალისტმა და მწერალმა ერიან შერინმა 2008 წლის 21 ოქტომბერს ბრიტანული ჰუმანისტური ასოციაციისა და რიჩარდ დოკინზის მხარდაჭერით.[2] კამპანიის თავდაპირველი მიზანი 5500 ფუნტი სტერლინგის აგროვება იყო, რითიც 2009 წლის დასაწყისში ლონდონის მასშტაბით 30 ავტობუსს გაუშვებდნენ სლოგანით „ყველა ალბათობით ღმერთი არ არსებობს. მორჩით წუხილს, დატკბით ცხოვრებით“.(ინგლ. There’s probably no God. Now stop worrying and enjoy your life)
აქციის დაწყებიდან სამ დღეში £100 000-მდე შეგროვდა, რის საშუალებითაც შეძლეს კამპანიის წარმოება მთელი ბრიტანეთის მასშტაბით. აქცია 2009 წლის 6 იანვარს დაიწყო — დიდი ბრიტანეთის მასშტაბით 800 ავტობუსი გაუშვეს. ამასთან ერთად, დაიგეგმა ლონდონის მეტროში ცნობილი ათეისტების ციტატების გამოსახულებიანი 1000 სარეკლამო დაფის განთავსება და ოქსფორდ-სტრიტზე ორი LCD მონიტორის დამონტაჟება, რომლებზეც კამპანიის მხარდამჟერი სარეკლამო რგოლები გავიდოდა.[3]
ანალოგიური კამპანიები
რედაქტირებააშშ
რედაქტირებაბრიტანული კამპანიით შთაგონებულმა, ამერიკის ჰუმანისტურმა ასოციაციამ ანალოგიური აქცია განახორციელა ვაშინგტონშიც 2008 წლის ნოემბერში, სლოგანით: „რატომ გჯერათ ღმერთის? უბრალოდ იყავით გულმოწყალე სიკეთის სახელით.“[4] ორგანიზაცია „Freedom From Religion Foundation“-მა საავტობუსო კამპანია აშშ-ში სხვადასხვა ათეისტური ციტატებით 2009 წლის თებერვალში განახორციელა.[5]
ავსტრალია და ოკეანეთი
რედაქტირებაორგანიზაცია „Atheist Foundation of Australia“ შეეცადა საავტობუსო კამპანიის განხორციელებას სლოგანით: „ათეიზმი — გონების ზეიმი“, თუმცა სარეკლამო სააგენტომ აქციის ჩატარებაზე უარი განაცხადა.[6]
მოგვიანებით, ტასმანიის ჯგუფი შეეცადა ანალოგიური აქციის ჩატარებას, მაგრამ აქაც სარეკლამო სააგენტომ, რომელიც სახელმწიფოს დაქვემდებარებაში იყო, უარი განაცხადა.[7]
რესურსები ინტერნეტში
რედაქტირება- ოფიციალური საიტი დაარქივებული 2013-03-30 საიტზე Wayback Machine.
- Canadian Atheist Bus Campaign დაარქივებული 2019-02-12 საიტზე Wayback Machine.
- German Atheist Bus Campaign
სქოლიო
რედაქტირება- ↑ შერინი, ერიან. ; Heather, Ron (2009-01-17) I Can’t Think Up Yet Another Bus Pun Headline… en. Atheist Campaign. დაარქივებულია ორიგინალიდან — 2012-03-28. ციტირების თარიღი: 2009-01-19.
- ↑ ავტობუსების კამპანია ინგ.. ბრიტანული ჰუმანისტური ასოციაცია. დაარქივებულია ორიგინალიდან — 2012-03-28. ციტირების თარიღი: 2009-01-19.
- ↑ Beckford, Martin. (2009-01-08) Atheist buses denying God's existence take to streets en. The Daily Telegraph. დაარქივებულია ორიგინალიდან — 2012-03-28. ციტირების თარიღი: 2009-01-19.
- ↑ 'Why Believe in a God?' Ad Campaign Launches on D.C. Buses en. Fox News (2008-11-12). დაარქივებულია ორიგინალიდან — 2012-03-28. ციტირების თარიღი: 2009-01-19.
- ↑ Freedom From Religion Foundation(ინგლისური)
- ↑ Atheists snubbed in ad knock-back en. ABC News (Australia) (2008-11-26). დაარქივებულია ორიგინალიდან — 2012-03-28. ციტირების თარიღი: 2009-01-07.
- ↑ Beckford, Martin. (2009-01-07) Atheist bus: 'Sleep in on Sunday morning' adverts banned en. The Daily Telegraph. დაარქივებულია ორიგინალიდან — 2012-03-28. ციტირების თარიღი: 2009-01-07.