ავღანური მწევარი
ავღანური მწევარი (ავღანი) (პუშტუ تاژي سپی)) — ძაღლის ჯიში, რომელიც გამოყვანილია ავღანეთში XVII საუკუნეში.
| ||||||||||||||||||||||
| წარმოშობის ქვეყანა | ავღანეთი | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||
| ||||||||||||||||||||||
| ძაღლი (Canis lupus familiaris) | ||||||||||||||||||||||
ალბათ, არ არსებობს სხვა ჯიში, რომელიც სილამაზით, ელეგანტურობით და ღირსებით ავღანს შეედრება. ავღანი, რომელსაც დასავლეთში მხოლოდ გარეგნობის გამო და არა სამუშაოდ) ამრავლებენ — საგამოფენო ძაღლია, რომელიც ნებისმიერ გარემოს დახვეწილობას სძენს. აღსანიშნავია, რომ ავღანეთში ეს ჭკვიანი ცხოველი ჯერ კიდევ გამოიყენება ცხვრების და თხების სადარაჯოდ და მგლებზე და მელიებზე სანადიროდ. ხშირი, გრძელი ბეწვი ავღანს სიცივისგან იცავს, თუმცა ყოველდღე დავარცხნა და განსაკუთრებული მოვლა სჭირდება, წინააღმდეგ შემთხვევაში მალე ითელება. ავღანი გამოირჩევა დამოუკიდებლობით და ამიტომ ძნელად იწვრთნება და პატარაობიდანვე ფაქიზი მოპყრობა სჭირდება. ჯერჯერობით გაურკვეველია, როგორ მოხვდა ეს ჯიში შუა აღმოსავლეთიდან ავღანეთში. აქ არსებობს მისი სამი სახეობა: მოკლებალნიანი; თათებზე და ყურებზე ბალნით; გრძელი და ხშირი ბალნით.
ავღანის ბალნის შეფერილობა ნებისმიერია. ბალნითაა დაფარული ავღანის გრძელი და ძლიერი ფეხები, მკერდზე ბალანი ძალიან თხელი და ნაზია, კისერზე — გრძელი, ზურგზე — უფრო მოკლე და მკვრივი. ავღანის თავი გრძელია, მაგრამ არც ისე ვიწრო, მუქი-ოქროსფერი თვალები თითქმის სამკუთხედია. ავღანი კარგად ეგუება ქალაქის პირობებში ცხოვრებას, ასევე ცხელ და ცივ კლიმატს, ძნელად იწვრთნება, კეთილგანწყობილია ბავშვების მიმართ.
რესურსები ინტერნეტში
რედაქტირება