VPN (ინგლ. Virtual Private Network — „ვირტუალური კერძო ქსელი“) — განზოგადებული ტექნოლოგიური ტერმინი ნებისმიერ ტექნოლოგიის აღსაწერად, რომელიც უზრუნველყოფს ერთი ან მრავალი ქსელური კავშირის დამყარებას, ქსელური მონაცემების, როგორც წესი Internet Protocol-ის მონაცემების, ინკაფსულაციას და გადაცემას სხვა ქსელის გამოყენებით. ასეთი სისტემა მომხმარებელს საშუალებას აძლევს წვდომა მიიღოს ისეთ ქსელურ რესურსზე, რომელიც სხვაგვარად, ღიად მიუწვდომელია ინტერნეტით. VPN ხშირად გამოიყენება ინფორმაციული ტექნოლოგიების დარგში, რესურსებზე წვდომის მისაცემად იმ მომხმარებლებისათვის, რომლებიც ფიზიკურად არ არიან დაერთებული ორგანიზაციის შიდა ქსელთან, მაგალითად კავშირგაბმულობის სპეციალისტებისთვის. VPN-ის სახელწოდებაში სიტყვა „ვირტუალური“ გამომდინარეობს ტექნოლოგიის მიერ ქსელთან ფიზიკურის ნაცვლად, ვირტუალური დაერთების უზრუნველყოფის შესაძლებლობიდან.

ტერმინის ქვეშ VPN, არაოფიციალურ კომუნიკაციაში ხშირად გულისხმობენ პროქსი-სერვისს, რომელიც იყენებს VPN ტექნოლოგიას (მაგალითად OpenVPN), პროქსი-სერვერის მაღალი დონის პროტოკოლებისგან განსხვავებით (მაგალითად, SOCKS), ვინაიდან არ სჭირდება თითოეული აპლიკაციის განცალკევებით გადაწყობა მათი ტრაფიკის პროქსი-სერვერის გავლით ტუნელირებისათვის; ნაცვლად ამისა, ტრაფიკის მისამართად გამოიყენება მარშრუტიზაცია.

მოძიებულია „https://ka.wikipedia.org/w/index.php?title=VPN&oldid=4190472“-დან