The Sandman
The Sandman (ქართ. სენდმენი; სიტყვა-სიტყვით „ქვიშის კაცი“) — ამერიკული კომიქსების სერია, რომელიც დაწერა ნილ გეიმანმა და გამოსცა DC Comics-მა. მის არტისტებს შორის არიან სემ კითი, მაიკ დრინგენბერგი, ჯილ ტომფსონი, შონ მაკმანუსი, მარკ ჰემპელი, ბრაიან ტალბოტი და მაიკლ ზული. კომიქსის ორიგინალი სერია 75 ნომრისგან შედგება და ის 1989 წლის იანვრიდან 1996 წლის მარტამდე გამოიცემოდა. 47-ე ნომრიდან დაწყებული, კომიქსს DC-ს საკუთრებაში მყოფი Vertigo Comics გამოსცემდა.
| „სენდმენი“ | |
|---|---|
| „The Sandman“ | |
.comiccover.jpg) | |
| გამომცემელი |
|
| გუნდი | |
| ტექსტის ავტორ(ებ)ი | ნილ გეიმანი |
| პირველი გამოცემა | |
| პირველად გამოიცა | The Sandman #1 (1989 წლის იანვარი) |
| ენა | ინგლისური |
სენდმენის მთავარი პერსონაჟია სიზმარი (ინგლ. Dream), რომელსაც ასევე მორფეუსსა და სხვა სახელებს უწოდებენ. ის შვიდი უსასრულოდან ერთ-ერთია. სხვა უსასრულონი არიან სვე (ინგლ. Destiny), სიკვდილი (ინგლ. Death), სურვილი (ინგლ. Desire), სასოწარკვეთა (ინგლ. Despair), სიგიჟე (ინგლ. Delirium) და სპობა (ინგლ. Destruction; რომელსაც ასევე „უძღებად“ მოიხსენიებენ). სერიას ახასიათებს გეიმანისთვის საფირმო მეტაფიზიკური არსებების ანთროპომორფული პერსონიფიკაციის გამოყენება, პარალელურად კი მითოლოგიისა და ისტორიის გაერთიანება საშინელებათა ჟანრის ელემენტებით DC Universe-ის ფარგლებში.[1]
რესურსები ინტერნეტში
რედაქტირებასქოლიო
რედაქტირება- ↑ Gaiman, Neil. (2014)The Sandman Summary. ციტირების თარიღი: March 13, 2014