ვიკიპედია

GeForce 40 სერიის ვიდეოდაფები

GeForce 40 სერიის ვიდეოდაფები — Nvidia-ს მიერ წარმოებული გრაფიკის დამუშავების ერთეულთა ოჯახი. გასაჯაროვდა 2022 წლის 20 სექტემბერს, გრაფიკული პროცესორების ერთეულთა ტექნოლოგიურ კონფერენციაზე. ვიდეოდაფები შექმნილია Nvidia-ს Ada Lovelace არქიტექტურით. ჩაშენებულია მესამე თაობის სხივთა მიკვლევის ბირთვები სხივების ტყორცნის აჩქარებული გამოთვლისთვის და მეოთხე თაობის, ღრმა-სწავლებაზე ორიენტირებული, ტენსორის ბირთვები.

GeForce 40 სერიის ვიდეოდაფები
გამოშვების თარიღი 2020 წლის 17 სექტემბერი
მწარმოებელი TSMC
დიზაინერი Nvidia
მარკეტერი Nvidia
კოდური სახელი AD10x
არქიტექტურა Ada Lovelace
მოდელები GeForce RTX სერია
ტრანზისტორი 18.9B (AD107) 22.9B (AD106) 35.8B (AD104) 45.9B (AD103) 76.3B (AD102)
საწყისი კლასი GeForce RTX 4050(მხოლოდ ლეპტოპებისთვის)
საშუალო კლასი GeForce RTX 4060 GeForce RTX 4060 Ti GeForce RTX 4060 Ti 16GB
მაღალი კლასი GeForce RTX 4070 GeForce RTX 4070 Ti GeForce RTX 4080
უმაღლესი კლასი GeForce RTX 4090
DirectX

Direct3D 12.0 Ultimate (ვერსია 12_2)

Shader Model 6.7
OpenCL OpenCL 3.0
OpenGL OpenGL 4.6
Vulkan Vulkan 1.3
წინამორბედი ვიდეოდაფები GeForce 30 სერიის ვიდეოდაფები

დეტალები

რედაქტირება

Ada Lovelace არქიტექტურის მახასიათებლებია:[1]

  • CUDA გამოთვლის ტევადობა 8.9[2]
  • TSMC 4N პროცესები (შექმნილი პირადი დიზაინით)
  • მეოთხე თაობის Tensor ბირთვები.
  • მესამე თაობის სხივთა მიკვლევის ბირთვები. აღჭურვილი პარალელური სხივების მიმკვლევით, ეფექტების გამოთვლითა და გამოსახვით.
  • ეფექტების აღსრულების თავიდან მოთხოვნის ტექნოლოგია - ძირითადად ეს ფუნქცია გათიშულია დეველოპერის მიერ.[3]
  • ორმაგი NVENC, 8K გარჩევადობის, 10-ბიტიანი - 60 კადრით წამში დამუშავების AV1 გამშიფვრელი.[4][5]
  • ახალი თაობის ოპტიკური ნაკადის ამაჩქარებელი, ხელოვნურ ინტელექტზე დამყარებული DLSS 3.0 კადრის წარმომქმნელის დასახმარებლად.[6]
  • არ აქვს NVLink-ის მხარდაჭერა.[7][8]
  • DisplayPort 1.4a და HDMI 2.1 გამოსახულების პორტები
  • RTX 4060 და RTX 4060 Ti იყენებს GDDR6 სახის ვიდეო მეხსიერებას. ამ თაობის დანარჩენი ვიდეოდაფები აღჭურვილია GDDR6X ვიდეო მეხსიერებით.

წინააღმდეგობები

რედაქტირება

RTX 4080 12 GB

რედაქტირება

12 გეგაბაიტიანი RTX 4080 ის გამოცხადებისას საზოგადოებამ Nvidia გააკრიტიკა ვიდეოდაფის არასწორი მარკეტინგისთვის. იმავე სერიის სხვადასხვა ვერსიების შედარებისას, წინამორბედი xx80 ბარათები წარმადობით და მახასიათებლებით დიდად არ განსხვავდებოდა.[9][10][11] 4080-ის 12 გეგაბაიტიანი ბარათი კი ბევრად ჩამორჩება იმავე სერიის 16 გეგაბაიტიან ვერსიას.

კრიტიკის მთავარ წყაროს წარმოადგენდა დასახელების სქემა - როდესაც 4080-ის ორი ვერსია იგეგმებოდა, "RTX 4080 12GB" და "RTX 4080 16GB" - ლოგიკური სხვაობა მათ შორის ვიდეო მეხსიერების მოცულობა უნდა ყოფილიყო. თუმცა, 12 გეგაბაიტიანი ვიდეოდაფა იყენებს განსხვავებულ პროცესირების ერთეულს და მეხსიერების არქიტექტურას. 16 გეგაბაიტიანი ვიდეოდაფის AD103 ჩიპთან შედარებით, ამ ვიდეოდაფის AD104 ჩიპი 27%-ით ნაკლებ CUDA ბირთვებს შეიცავს, მოშორებულია 192 ბიტიანი მეხსიერების სარტყელი და ვიდეოდაფა ნაკლები თერმული სიმძლავრით გამოირჩევა (არაუმეტეს 285 ვატი - როდესაც 16 გეგაბაიტიანი ვერსია 320 ვატზე არის გათვლილი).

წინა თაობებში (GeForce 10, 20, 30) 192 ბიტიანი მეხსიერების სარტყელი XX60-სა და სხვა ბიუჯეტურ სერიებშიც შეინარჩუნეს.[9] ამ გადაწყვეტილებით, ვიდეოდაფების მეხსიერების კუთხით შედარებისას, ძველი ბარათების წარმადობა მხოლოდ 30%-ით ჩამორჩება RTX 4080 16GB-ს.

2022 წლის 14 ოქტომბერს, ამ გაუგებრობის გამო, Nvidia-მ ვიდეოდაფის გამოშვების თარიღი გადადო.[12][13] 2023 წლის 3 იანვარს, კი RTX 4080 12GB ხელახლა წარმოადგინა, როგორც RTX 4070TI და ფასი 100$-ით დასწია.

12VHPWR შემაერთებლის წარუმატებლობა

რედაქტირება
 
Nvidia 12VHPWR გადამყვანი

RTX 4090-ის ზოგიერთი მომხმარებელი იუწყებოდა, რომ 12VHPWR შემაერთებლები ხმარებისას დნებოდა.[14] შემაერთებლის მწარმოებელმა კომპანიამ, ინციდენტის გამო გადაწყვიტა გარკვეული ცვლილებები შეეტანა პროდუქტის მახასიათებლებში.

კაბელებთან დაკავშირებით კოლექტიური სარჩელი შეიტანეს. სარჩელში ნათქვამია, რომ პროდუქტი სახიფათოა და ამ მდგომარეობაში არ უნდა იყიდებოდეს.[15] მოსარჩლე კი ამტკიცებდა - Nvidia არღვევდა გარანტიის პირობებს და თაღლითობით ცდილობდა გამდიდრებას. ამავდროულად ითხოვდა მათ მიერ მიყენებული ზარალის ანაზღაურებას.[16]

შიდა დაკვირვებაზე დაყრდნობით დაადგინეს, რომ პლასტამსის დნობას არამყარად, ნაწილობრივ შეერთებული კაბელი იწვევდა. არასრულად დაკავშირებული შემაერთებელი, ენერგიის მძლავრად მოხმარებისას ადნობდა პლასტმასის გარეგანს.[17][18][19] Nvidia-მ მომხმარებლებს ყველა დაზიანებული ვიდეოდაფის დაჩქარებით უკან დაბრუნება შესთავაზა, მიუხედავად ამისა PCI-SIG-მ განცხადებაში მაინც Nvidia და მისი პარტნიორები დაადანაშაულა, არასრულად შემოწმებული პროდუქტის გაყიდვისათვის.

ვერსიები

რედაქტირება

RTX 4090

რედაქტირება
 
Nvidia RTX 4090 Founders ვერსია, შეფუთვით

24 გეგაბაიტი ვიდეო მეხსიერებით, AV1 სწრაფი გაშიფვრისა და "Founders" ვერსიის გაგრილების შესაძლებლობით, RTX 4090-მა რეცეზენტების მოწონება დაიმსახურა. როგორც თამაშების, ასევე კონტენტის შექმნისა და სტრიმინგის კუთხით.[20]

კრიტიკის მთავარ წყაროდ მისი ფასი და ენერგიის მოხმარება რჩება. ვიდეოდაფის ფასი 1599$-დან იწყება. TechSpot-ის ანალიზიდან ჩანს, რომ 1440 პიქსელის გარჩევადობით მუშაობისას, RTX 4090 - RTX 3090Ti-ზე ნაკლებად ღირებულია და ამ გარჩევადობით ვიდეოდაფის ხმარება ალოგიკურია. თერმული სიმძლავე 450 ვატია, წინა თაობის ექვივალენტი ვიდეოდაფის თერმული სიმძლავე კი 350 ვატი. თუმცა, 450 ვატი ენერგიის მოხმარებისას, ჯარედ უალტონი-ს თქმით, RTX 4090, RTX 3090 Ti-ზე მეტად წარმადია.

კრიტიკა ვიდეოდაფის სხვა მწარმოებლის RTX 4090-ებმაც დაიმსახურეს. ვიდეოდაფის გაგრილების სისტემა, ზოგ მოდელებში, 4 PCIe შემაერთებლის ადგილსაც კი იკავებს.[21][22] რაც ვიდეოდაფების უმეტეს თანამედროვე კომპიუტერებში მოთავსებას ართულებს. იუტუბ-მიმომხილველმა jayzTwoCents-მა აჩვენა, რომ Asus ROG Strix RTX 4090 მოდელი ზომით თითქმის Xbox Series X-ს უტოლდება.[23][24] ამბობენ, რომ თეორიულად RTX 4090-ის თერმული სიმძლავრე 600 ვატი იყო, სანამ ოფიციალურ ვერსიებში 450 ვატამდე დაწევდნენ და სწორედ ამით ხსნიან ზოგიერთი მოდელის მასიურ გაგრილებას.[25]

RTX 4080

რედაქტირება
 
Nvidia-ს პარტნიორების ვიდეობარათების ზომების შედარება. Asus ROG Strix RTX 4090 ქვედა, Gigabyte Gaming OC RTX 3090 ზედა

RTX 4080 მოდელს შედარებით ორმხრივი გამოხმაურება მოჰყვა. TechSpot-მა ვიდეოდაფა 80/100 ქულით შეაფასა.[26] ანტონი ლეზერსის ცნობით RTX 4080 მეტად დამაჯერებლად უმკლავდება დავალებებს, ვიდრე RTX 3090Ti.[27] Digital Trends-მა აღმოაჩინა, რომ მიუხედავად გათვლილი 320 ვატის თერმული სიმძლავრისა, ვიდეოდაფა საშუალოდ 271 ვატს მოიხმარს.[28]

RTX 4080 გააკრიტიკეს ფასის დრამატულ ზრდასთან დაკავშირებით (1199$). ჯეიმზ არჩერიმ თავის მიმოხილვაში დაწერა, რომ ვიდეოდაფის წარმადობის საგრძნობლად ზრდის მიუხედავად, ფასის ზრდა მაინც არაპროპორციულია.[29] RockPaperShotgun-მა ხაზი გაუსვა, რომ Founders ვერსიის შემდეგ, Nvidia-ს პარტნიორთა ვიდეოდაფების ფასი საგრძნობლად აიწევდა. სწორედ ასე მოხდა, ვიდეოდაფის Asus ROG Strix ვერსიის საწყისი ფასი 1550$ იყო. რაც, RTX 4090 Founders ვერსიის საწყისს ფასზე 50$-ით ნაკლება. ტომ ვარენმა რეკომენდაცია გაუწია AMD-ის ახალი, RDNA 3 ვიდეოდაფების მოცდას.[30] AMD-ის Radeon RX 7900 XTX ოფიციალური ფასი 999$-ა, RTX 4080-ის - 1199$.

RTX 4070Ti

რედაქტირება

RTX 4080-ის RTX 4070Ti-დ რებრენდირების შემდეგ, ვიდეოდაფამ ორმხრივი შეფასება დაიმსახურა. ვიდეოდაფის დადებით მხარედ 1080-1440 პიქსელის გარჩევადობებში მუშაობისას დაბალი ტემპერატურა წარმოადგენს.[31] 4K გარჩევადობაში კი მისი წარმადობა, ფასთან შედარებით (800$), სუსტია. ჯეიკობ როაჩმა ვიდეოდაფას 6/10 ქულა მიანიჭა, მეხსიერების ნელი გამტარუნარიანობის, 4K გარჩევადობაში წარმადობისა და Founders ვერსიის არ არსებობის გამო. ყურადღება გაამახვილა თავისი ვერსისს თერმულ მახრესა და ენერგო-ეფექტურობაზე.

მიქაელ ჯასტინ ალენ სექსტონმა განიხილა ვიდეოდაფის ZOTAC RTX 4070 Ti Amp Extreme Airo მოდელი. რომელიც გააკრიტიკა სიდიდისა და ფასის გამო, თუმცა ვიდეოდაფა, მის კონკურენტ Radeon RX 7900 XT-ზე, 100$-ით იაფია.[32]

RTX 4070

რედაქტირება

ჯეიკობ როაჩის ცნობით ვიდეო დაფა ეფექტურია. Founders ვერსია მხოლოდ 2 PCIe ადგილს იკავებს და წარმადია 1440 პიქსელ გარჩევადობაში მუშაობისას.[33] თუმცა, Radeon RX 7800 XT-ის გამოსვლის შემდეგ, მონიკა უაითმა ამ ვიდეოდაფას გაუწია რეკომენდაცია. მისი თქმით Radeon RX 7800 XT-ს 1440 პიქსელში მეტად წარმადია. ვიდეოდაფას 4 გეგაბაიტით მეტი ვიდეომეხსიერება და 100$-ით ნაკლები ფასი აქვს.[34]

2023 წლის 6 სექტემბერს, AMD Radeon RX 7800XT-ის გამოშვების შემდეგ, RTX 4070-ის ფასი 550$-მდე დასწიეს.[35]

RTX 4060 Ti (8 GB & 16 GB)

რედაქტირება

RTX 4060 Ti 8 GB 2023 წლის მაისის ბოლოს გამოუშვეს. ბარათის წინამორბედ RTX 3060-ს 12 გეგაბაიტი ვიდეო მეხსიება ჰქონდა, რის გამოც მომხმარებლები და რეცეზენტები უკმაყოფილებას გამოთქვამდნენ. მათი თქმით 8 გეგაბაიტი თანამედროვე სტანდარტებისთვის უბრალოდ არასაკმარისი იყო. Digital Trends-ის ცნობით, 8 გეგაბაიტი ვიდეო მეხსიერება 300$-იანი RTX 4060-ისთვის მისაღები იყო, RTX 4060 Ti-ისთვის - არა. ამ ფასისა და წარმადობისთვის ვიდეოდაფას მინიმუმ 16 გეგაბაიტი ვიდეომეხსიერება, ან შედარებით დიდი მეხსიერების სარტყელი უნდა ჰქონოდა.[36] 2023 წლის ივლისში, უარყოფითი შეფასების შემდეგ Nvidia-მ გადაწყვიტა ვიდეოდაფის 16 გეგაბაიტიანი ვერსიაც გამოეშვა.

RTX 4060 Ti-ის 16 გეგაბაიტიანი ვერსიაც საეჭვოდ მიიჩნიეს. Nvidia-მ ვიდედაფა განსახილველად არ გადასცა ისეთ დიდ რეცეზენტებს, როგორიცაა Gamers Nexus, Hardware Unboxed და Linus Tech Tips. მოგვიანებით გაირკვა რომ, იმავე მიზეზით, შეაჩერეს ვიდეოდაფის წინასწარ გამზადებულ კომპიუტერულ ბლოკებში მოთავსებაც. Gamesradar-ის თქმით, Nvidia RTX 4060 Ti 16GB 499$-იანი ფასის გამო ძნელად გაყიდვადი პროდუქტია. ასევე განაცხადა, რომ ჩვეულებისამებრ ვიდეოდაფას საჯარო გაყიდვაში ჩაშვებამდე ტესტავენ, ვიდეოდაფის შესაძლელბობების მის ფასთან შესადარებლად. ამ კონკრეტულ შემთხვევაში კი ეს შეუძლებელი აღმოჩნდა.

იუტუბ რეცეზენტმა Hardware Unboxed RTX 4060 ti-ს ორივე მოდელი გააკრიტიკა. 8 გეგაბაიტიან ვერსიას 400 დოლარის ღირებულებისათვის დამცინავად ცუდი შეფასება მისცა. კრიტიკის წყარო არასაკმარისი ვიდეომეხსიერება და ამით გამოწვეული 1% ხშირი კადრის სიხშრის ვარდნა გახდა. The Last of Us Part 1-ისა და The Callisto Protocol-ის უმაღლეს ხარისხში თამაშისას, 1080 პიქსელის გარჩევადობაში 1% კადრის სიხშირის ვარდნა მაღალი, ხოლო 1440 პიქსელის გარჩევადობაში 1% კადრის სიხშირის ვარდნა აუტანლად შემაწუხებელია. A Plague Tale: Requiem-იც შესაბამის 1% კადრის სიხშირის ვარდნას განიცდის, არა უმაღლეს, არამედ მაღალ ხარისხშიც კი. Halo infinite-ისა და Forspoken-ის 1080 პიქსელში თამაშისას 1% კადრის ვარდნა არ შეიგრძნობა, მაგრამ ხშირია ტექსტურების ჩატვირთვის პრობლემები 8 გეგაბატი, არასაკმარისი ვიდეომეხსიერების გამო.[37] ეს პრობლემები 16 გეგაბაიტიანი ვერსიის ხმარებისას არ შეიმჩნევა, დანარჩენ ასპექტში 16 გეგაბაიტიანი ვერსია წარმადობით იდენტურია 8 გეგაბაიტიანისა.[38] 

შესაბამისად რეცეზენტებს 100 დოლარით მეტის გადახდა ვიდეომეხსიერების "პრობლემის" მოსაგვარებლად არასწორად მიაჩნიათ.

RTX 4060

რედაქტირება

რეცეზენტი ჯეიკობ როაჩიმ RTX 4060 3/5 ქულით შეაფასა, გააკრიტიკა ვიდეოდაფის ზოგადად დაბალი წარმადობა, 1440 პიქსელის გარჩევადობაში წარმადობა, ფასი, მცირე ვიდეომეხსიერება და მეხსიერების ნელი ინტერფეისი. შეაქო ვიდეოდაფის ენერგო ეფექტურობა. განაცხადა, რომ RTX 4060 "მუშა" ვიდეოდაფად განიხილებოდა. რეალურად ასე არ მოხდა, საგრძნობლად გაზრდილია წარმადობა ვიდეოდაფის თაობებს შორის, მაგრამ მოიკოჭლებს კონკურენტუნარიანობა.[39]

იხილეთ აგრეთვე

რედაქტირება


სქოლიო

რედაქტირება
  1. ↑ NVIDIA Ada Lovelace Architecture en-US. ციტირების თარიღი: November 21, 2022
  2. ↑ CUDA C++ Programming Guide en-US (November 9, 2022). ციტირების თარიღი: November 21, 2022
  3. ↑ Palumbo, Alessio. (September 23, 2022) NVIDIA Ada Lovelace Follow-Up Q&A - DLSS 3, SER, OMM, DMM and More en-US. ციტირების თარიღი: September 25, 2022
  4. ↑ Creativity At The Speed of Light: GeForce RTX 40 Series Graphics Cards Unleash Up To 2X Performance in 3D Rendering, AI, and Video Exports For Gamers and Creators.
  5. ↑ Nvidia Video Codec SDK (23 August 2013).
  6. ↑ Chiappetta, Marco. (September 22, 2022) NVIDIA GeForce RTX 40 Architecture Overview: Ada's Special Sauce Unveiled en-US. ციტირების თარიღი: September 25, 2022
  7. ↑ Nvidia kills off NVLink on RTX 4090 en (2022-09-21). ციტირების თარიღი: 2023-01-01
  8. ↑ „Jensen Confirms: NVLink Support in Ada Lovelace is Gone“. TechPowerUp (ინგლისური). September 21, 2022. ციტირების თარიღი: November 21, 2022.
  9. ↑ 9.0 9.1 Laird, Jeremy (September 22, 2022). „We've run the numbers and Nvidia's RTX 4080 cards don't add up“. PC Gamer (ინგლისური). ციტირების თარიღი: September 27, 2022.
  10. ↑ Walton, Jarred. (2022-09-23) Why Nvidia's RTX 4080, 4090 Cost so Damn Much en-US. ციტირების თარიღი: September 27, 2022
  11. ↑ Guyton, Christian. (September 22, 2022) Buyer beware: the 12GB RTX 4080 is hiding a dirty little secret en-US. ციტირების თარიღი: September 27, 2022
  12. ↑ Unlaunching The 12 GB 4080 en-US (October 14, 2022). ციტირების თარიღი: October 14, 2022
  13. ↑ Warren, Tom. (October 14, 2022) Nvidia says it's 'unlaunching' the 12GB RTX 4080 after backlash en-US. ციტირების თარიღი: October 14, 2022
  14. ↑ Wallossek, Igor. (October 27, 2022) The horror has a face - NVIDIA's hot 12VHPWR adapter for the GeForce RTX 4090 with a built-in breaking point en-US. ციტირების თარიღი: November 17, 2022
  15. ↑ Liu, Zhiye. RTX 4090 Owner Hits Nvidia With Lawsuit Over Melting 16-pin Connector en-US (November 16, 2022). ციტირების თარიღი: November 17, 2022
  16. ↑ Kan, Michael. Nvidia Faces Class-Action Lawsuit Over Melting 12VHPWR Cables en-US (November 17, 2022). ციტირების თარიღი: November 17, 2022
  17. ↑ Gamers Nexus. (November 18, 2022) NVIDIA Responds to Melting Cables, Warranty Concerns, & 12VHPWR Adapter Failures en-US. ციტირების თარიღი: November 19, 2022
  18. ↑ Killian, Zak. (November 18, 2022) NVIDIA Releases Official Update Addressing Cause Of Melting 12VHPWR Connectors en-US. ციტირების თარიღი: November 19, 2022
  19. ↑ Mujtaba, Hassan. (November 19, 2022) NVIDIA Confirms User-Error As The Main Reason of 16-Pin 12VHPWR Cable Issues, Only 50 of 125,000 Units Melted So Far en-US. ციტირების თარიღი: November 19, 2022
  20. ↑ Walton, Jarred. Nvidia GeForce RTX 4090 Review: Queen of the Castle en-US (October 15, 2022). ციტირების თარიღი: December 14, 2022
  21. ↑ Archer, James. Nvidia GeForce RTX 4090 review: A wildly expensive flagship GPU with a touch of DLSS 3 magic en-GB (October 12, 2022). ციტირების თარიღი: December 14, 2022
  22. ↑ Kozlowski, Sebastian. Nvidia RTX 4090 size – 4090 clearance issues en-US (November 29, 2022). ციტირების თარიღი: December 14, 2022
  23. ↑ JayzTwoCents. (October 6, 2022) We're gonna need a bigger case... RTX 4090 size comparison en-US. ციტირების თარიღი: December 14, 2022
  24. ↑ Levine, Gloria. NVIDIA GeForce RTX 4090 Unboxing Reveals Its Massive Size en-GB (October 6, 2022). ციტირების თარიღი: December 14, 2022
  25. ↑ Norem, Josh. Report: RTX 4090 Originally Designed as 600W GPU With Samsung Silicon en-US (October 7, 2022). ციტირების თარიღი: December 14, 2022
  26. ↑ Walton, Steven. Nvidia GeForce RTX 4080 Review en-US (November 15, 2022). ციტირების თარიღი: December 14, 2022
  27. ↑ Leather, Antony. Nvidia RTX 4080 Vs RTX 4090 Vs RTX 3090 Ti: Which Should You Buy? en-US (November 15, 2022). ციტირების თარიღი: December 14, 2022
  28. ↑ Roach, Jacob. Nvidia RTX 4080 review: a great GPU where the math doesn't always add up en-US (November 15, 2022). ციტირების თარიღი: December 14, 2022
  29. ↑ Archer, James. Nvidia GeForce RTX 4080 review in progress: Lovelace, hate price en-GB (November 16, 2022). ციტირების თარიღი: December 14, 2022
  30. ↑ Warren, Tom. Nvidia RTX 4080 review: performance, for a price en-US (November 15, 2022). ციტირების თარიღი: December 14, 2022
  31. ↑ Nvidia RTX 4070 Ti review: not the GPU you're looking for en (2023-01-04). ციტირების თარიღი: 2023-10-12
  32. ↑ Zotac Nvidia GeForce RTX 4070 Ti Amp Extreme Airo Review en. ციტირების თარიღი: 2023-10-12
  33. ↑ Nvidia GeForce RTX 4070 review: the comeback GPU en (2023-04-12). ციტირების თარიღი: 2023-10-12
  34. ↑ AMD RX 7800 XT vs. Nvidia RTX 4070: a clear winner en (2023-09-06). ციტირების თარიღი: 2023-10-12
  35. ↑ Nvidia's RTX 4070 sees big price cuts in response to AMD en (2023-09-14). ციტირების თარიღი: 2023-10-12
  36. ↑ Roach, Jacob. (May 25, 2023) Why the Nvidia RTX 4060 Ti simply isn’t enough for 2023. ციტირების თარიღი: June 25, 2023
  37. ↑ Laughably Bad at $400: Nvidia GeForce RTX 4060 Ti Review, https://www.youtube.com/watch?v=WLk8xzePDg8. წაკითხვის თარიღი: 2023-10-12
  38. ↑ Hayton, Phil. (July 18, 2023) Where are all the Nvidia RTX 4060 Ti 16GB reviews?. ციტირების თარიღი: July 18, 2023
  39. ↑ Nvidia RTX 4060 review: a lot of caveats en (2023-06-28). ციტირების თარიღი: 2023-10-12
მოძიებულია „https://ka.wikipedia.org/w/index.php?title=GeForce_40_სერიის_ვიდეოდაფები&oldid=4711195“-დან