კოდა მედია (ინგლ. Coda Media) — კრიზისებზე მომუშვე ონლაინ მედია პლატფორმა, რომელიც 2016 წელს ნიუ-იორკში დაარსდა. მას BBC-ის ყოფილი კორესპონდენტი ნატალია ანთელავა[1] და ჟურნალისტი მწერალი, ასევე Wall Street Journal-ის ყოფილი რეპორტიორი, ილან გრინბერგი[2] ხელმძღვანელობენ. ბრიტანელი ჟურნალისტი და ტელე-პროდიუსერი პიტერ პომერანცევი კი მოწვეული რედაქტორია.

Coda Media
ტიპი: ონლაინ მედია პლატფორმა
ფორმატი: მულტიმედია, ოლაინ პუბლიკაცია
მფლობელ(ებ)ი: Coda Media Inc.
გამომცემელი: Coda Story
რედაქტორი: ილან გრინბერგი
მთავარი რედაქტორ(ებ)ი: ნატალია ანთელავა
დაარსდა: 2016 წელი
ენა: ინგლისური
სათავო ოფისი: ნიუ-იორკი, ამერიკის შეერთებული შტატები
საიტი: codastory.com

კონცეფციარედაქტირება

Coda-ს ჟურნალისტების გუნდი იკვლევს და აშუქებს კონკრეტულ მიმდინარე კრიზისს.[3] ტრადიციული მედიისგან განსხვავებით, Coda ცალკეულ მოვლენაზე ფოკუსირებულია დროის ხანგრძლივი პერიოდი, რათა „ინდივიდუალური ისტორიები ფართო კონტექსტში წარმოადგინოს“.[4]

ის თემები და კრიზისები, რაც Coda-მ აქამდე გააშუქა, არის ევროპაში მიგრაციის კრიზისი, ლგბტქ საზოგადოების უფლებები რუსეთში და ევრაზიაში გავრცელებული დეზინფორმაციის კამპანია.[5]

მედია ორგანიზაციაში მუშაობენ ჟურნალისტები, რედაქტორები და დიზაინერები აშშ-დან, საქართველოსა და რუსეთიდან. ასევე Coda-ს ჰყავს პარტნიორი მედია წყაროები და მათთან ერთად აშუქებს არაერთ თემას. Coda-ს რეპორტაჟები ხელმისაწვდომია Coda story-ის ვებ-გვერდზე.

Coda კონცენტრირებულია „ამბების პირველადი სახით გადმოცემაზე“.[6] Coda სხვადასხვა რეპორტაჯის საგანს ყოფს „ნაკადებად“, როგორც დეზინფორმაციის ნაკადების სიმრავლის ნაწილებს. ორგანიზაცია სხვადასხვა „Coda“-ს შექმნას გეგმავს განსხვავებული კრიზისების გასაშუქებლად.

დაფინანსებარედაქტირება

Coda Media არაკომერციული ორგანიზაციაა და მისი შემოსავლის უმეტესი ნაწილი დამოკიდებულია ფონდების მიერ გაცემულ გრანტებზე. ამასთან, Coda-მ შეიმუშავა საწევრო სქემა, რომლის მეშვეობითაც დონორებს რეპორტიორებთან უშუალო კომუნიკაცია შეუძლიათ. ორგანიზაციას ქრაუდფანდინგის გამოცდილებაც აქვს.[3]

პარტნიორებირედაქტირება

ჯილდოებირედაქტირება

2018 წელს Coda Story-მ Reveal-თან[7] ერთად ალფრედ ი. დუ პონტის სახელობის კოლუმბიის უნივერსიტეტის ჯილდო[8] მოიპოვა ერთობლივი დოკუმენტური რადიო-გადაცემისთვის „რუსეთის ახალი განტევების ვაცი“,[9] (ინგლ. Russia's New Scapegoats) რომელიც იკვლევს პოლიტიკურ მიზეზებსა და ადამიანების მიერ გაღებულ საფასურს კრელმის ომში ჰომოსექსუალი ადამიანების წინააღმდეგ.

2014 წელს Coda-მ მოიგო რედაქტორების გლობალური კავშირის (ინგლ. Global Editors Network) საუკეთესო ნიუს სტარტაპების კონკურსი.[10] 2016 წელს Coda ონლაინ ჟურნალისტიკის დაჯილდოების (ინგლ. Online Journalism Awards) ფინალისტი იყო კატეგორიაში ინოვაციური და საუკეთესო პატარა ნიუსრუმი ისტორიების ვიზუალურ ციფრულ თხრობაში[11] პროექტისთვის „განადგურების ნებართვა“, ტერორი ცენტრალურ აზიაში."[12][11] (ინგლ. "Permission to Exterminate" Terror in Central Asia)

სქოლიორედაქტირება

  1. https://www.theguardian.com/profile/natalia-antelava
  2. https://pulitzercenter.org/people/ilan-greenberg
  3. 3.0 3.1 How Coda Story will add continuity to crisis coverage one story at a time.
  4. A startup called Coda Story wants to help journalists keep reporting on stories after ‘mainstream media’ has left. BBC Academy. American Press Institute.
  5. Wang, Shan. „Coda Story, focused on deep dives around single themes, is now tackling a "post-truth" Eurasia“. Nieman Lab.
  6. "Stay on the Story": Former BBC correspondent launches new reporting platform Coda.
  7. Reveal.
  8. 2018 Alfred I. duPont-Columbia Award Winners Announced - School of Journalism.
  9. Russia’s new scapegoats.
  10. Startups for News.
  11. 11.0 11.1 Coda Story Award-Winning Work - Online Journalism Awards.
  12. Terror in Central Asia - Video.
მოძიებულია „https://ka.wikipedia.org/w/index.php?title=Coda_Media&oldid=3537400“-დან