თბილისის 150-ე საჯარო სკოლა
(გადამისამართდა გვერდიდან 150-ე საჯარო სკოლა)
თბილისის 150-ე საჯარო სკოლა (სრული სახელწოდება — სსიპ თბილისის 150 საჯარო სკოლა) — ქალაქ თბილისის ზოგადსაგანმანათლებლო დაწესებულება. სკოლა დაარსდა 1932 წელს. წლების წინ სკოლა „რკინიგზის №1“, „ცინცაძის“ სკოლის სახელით იყო ცნობილი. წლების განმავლობაში მას სათავეში ედგა ალექსანდრე ცინცაძე.[1]
| 150-ე საჯარო სკოლა | |
|---|---|
 | |
| დევიზი: | “სახელოვანი და გამოჩენილი ქართველები თბილისის ამ სკოლაში სწავლობენ“ |
| დაარსდა: | 1932 |
| დირექტორი: | ირაკლი მექვევრიშვილი |
| ტიპი: | საჯარო |
| მოსწავლე: | 600 |
| მისამართი: | საქართველო, თბილისი, ჩუღურეთის რაიონი, ორდე დგებუაძის ქუჩა №8. |
| ტელეფონი: | +995 (32) 295 14 84 |
| ელ. ფოსტა: | info@150.ge |
სკოლაში პედაგოგიური კოლექტივი, რომელსაც ხელმძღვანელობს სერგო დურგლიშვილი[1].
სკოლის უპირატესობები რედაქტირება
- სწავლასა და ცოდნაზე ორინეტირებული უსაფრთხო გარემო
- მოსწავლეებში ნიჭისა და შემოქმედებითობის ხელის შეწყობა და განვითარება
- მოსწავლეების პატრიოტ და ღირსეულ მოქალაქეებად სწავლა ჩამოყალიბება
- გლობალიზაციის პროცესში ღირსეული და აქტიური ინტეგრირებისთვის შესაბამისი თანამედროვე ტექნოლოგიების დაუფლება და საჭირო უნარ-ჩვევების ჩამოყალიბება.[1]
სკოლის გარემო რედაქტირება
- სკოლას ემსახურება დაცვისა და მანდატურთა სამსახური, ექიმის კაბინეტი.
- შენობის ოთხ სართულზე განლაგებულია დიდი და ნათელი საკლასო ოთახები.
- კლასებში მოსწავლეთა რაოდენობა 20-25 მოსწავლითაა განსაზღვრული.
- კლასები არ არის დაკომპლექტებული მოსწავლეთა სიძლიერის, შესაძლებლობების პრინციპით. სხვადასხვა ნიჭისა და ცოდნის ახალგაზრდები ერთმანეთს გაკვეთილზე ავსებენ, ეხმარებიან ახალი გამოცდილების შეძენაში.
- სკოლას აქვს საკუთარი სტადიონი ხელოვნური საფარით, სპორტული დარბაზი, ბუფეტი, ბიბლიოთეკა, საკონფერენციო და საკონცერტო დარბაზები. ფიზიკის, ქიმიისა და ბიოლოგიის კლას-კაბინეტები.
- სკოლაში მოქმედებს გახანგრძლივებული ჯგუფი, მუსიკალური სტუდია, ქართული ხალხური და გიტარის წრეები. ინგლისური ენა ისწავლება პირველი კლასიდან, მე -7 კლასიდან - რუსული. არის გერმანული, რუსული და ჩინური ენის შემსწავლელი წრეები.
- სკოლა აქტიურადაა ჩაბმული სახელმწიფო და საქალაქო ოლიმპიადებში, კონკურსებსა და სპორტულ შეჯიბრებში, სადაც მოსწავლეებს უამრავი წარმატება და ჯილდო აქვთ მოპოვებული.
- სკოლა ცხოვრობს აქტიური შემოქმედებიტი პროცესით, რასაც ადასტურებს სასწავლო პროცესში მოსწავლეთა მიერ შექმნილი უამრავი პროექტი, ასევე მაღალ დონეზე მოწყობილი შემოქმედებითი და ლიტერატურული საღამოები, შემეცნებითი კონფერენციები, ექსკურსიები.[1]
სკოლაში სწავლება ერთცვლიანია. სწავლებაში მოიაზრება არაერთი კონკრეტული გზის გავლა, არამედ მასწავლებლის და მსოწავლის მიერ ერთობლივად შერჩეული ოპტიმალური ვარიანტის ძიება.[1]
სქოლიო რედაქტირება
- ↑ 1.0 1.1 1.2 1.3 1.4 150-ე საჯარო სკოლის ოფიციალური საიტი. დაარქივებულია ორიგინალიდან — 2013-11-16. ციტირების თარიღი: 2012-03-11.