ჯონ პოსტელის პრემია

ჯონ პოსტელის პრემია — 1999 წელს ინტერნეტის საზოგადოების (ISOC) მიერ დაწესებული პრემია, რომელიც ჯონ პოსტელის ხსოვნის უკვდავსაყოფად მის სახელს ატარებს. იგი ყოველწლიურად გადაეცემა პირს „მონაცემთა გადაცემის ორგანიზაციის საქმიანობაში გამორჩეული წვლილისათვის“.

ისტორია

პრემია დააწესა ვინტონ სერფმა ინტერნეტის საზოგადოების თავმჯდომარეობის ეგიდით და ანონსირებული იყო ნეკროლოგში „I remember IANA“, როგორც RFC 2468 დოკუმენტი პოსტელის და მისი შემოქმედების ხსოვნის პატივსაცემად. პირველი ლაურეატი გახდა თავად ჯონ პოსტელი (გარდაცვალების შემდეგ).