ჯოელ პიტერ ვიტკინი

ჯოელ პიტერ ვიტკინი (ინგ: Joel-Peter Witkin, დ. 1939 წ-ის 13 სექტემბერს, ბრუკლინი, ნიუ-იორკი) არის ამერიკელი ფოტოგრაფი. ხშირად ეხება ისეთ თემებს, როგორიცაა სიკვდილი, გვამები და სხვადასხვა უმცირესობებს - ჯუჯებს, ტრანსსექსუალებს, ჰერმოფროდიტებსა და ფიზიკურად დეფორმირებულებს. ვიტკინი თავის ტაბლოებში ხშირად იხმობს ცნობილი მხატვრების რელიგიურ ეპიზოდებს.

ჯოელ პიტერ ვიტკინი

ბიოგრაფია

ვიტკინის მამა იყო იუდეველი და დედა კათოლიკე. ჰყავს ტყუპი ძმა ჯერომ ვიტკინი, მხატვარი და აგრეთვე მხატვარი შვილი - კერსენ ვიტკინი. აღმსარებლობის განსხვავებულობის გამო, მისი მშობლები განქორწინდნენ, როდესაც ვიტკინი ახალგაზრდა იყო. ბრუკლინში შევიდა წმ. სესილიას გრამატიკის სკოლაში და შემდეგ გადავიდა გრუვერ ქლივლენდის საშუალო სკოლაში. ფოტოგრაფად მუშაობდა 1961-1964 წწ.-ში, ვიეტნამის ომის პერიოდში. 1967-ში გადაწყვიტა შტატგარეშე ფოტოგრაფად მუშაობა და „City Walls Inc.“-ის ოფიციალური ფოტოგრაფი გახდა. მოგვიანებით, ნიუ-იორკში შევიდა „Cooper Union“-ში, სადაც სწავლობდა ქანდაკებას და 1974-ში გახდა ხელოვნების ბაკალავრი. სწავლა დაასრულა ნიუ-მექსიკოს უნივერსიტეტში, ალბუქერქში, სადაც გახდა სახვითი ხელოვნების მაგისტრანტი.

გავლენა და თემები

ვიტკინი ამტკიცებს, რომ მისი ხედვა და მგრძნობელობა გამოიწვია მოვლენამ, რომელსაც შეესწრო პატარა ბავშვობისას - ავარია, რომელიც მისი სახლის წინ მოხდა, სადაც პატარა გოგოს თავი წაძვრა.

ასევე ამტკიცებს, რომ მისი ოჯახის გაუგებრობებიც მისი ნაშრომების წყაროდ იქცა. მისი ფავორიტი ხელოვანი არის ჯოტო. ვიტკინის ზოგი ნამუშევარი, ძირითადად გვამები, შესრულებული უნდა იყოს მექსიკაში აშშ-ს კანონების გამო.

მისი ტექნიკებია ნეგატივის ფხაჭნა, ნაბეჭდის გათეთრება ან ტონირება.

რესურსები ინტერნეტში

• Joel-Peter Witkin: Tribute to a Genius
• Photographs by Witkin
• More photographs by Witkin
• The Mortal Photographs at The Divine Altar დაარქივებული 2008-10-10 საიტზე Wayback Machine.
• 21st Editions დაარქივებული 2011-07-21 საიტზე Wayback Machine. The Journal of Joel-Peter Witkin