ჯენოა (საფეხბურთო კლუბი)

ჯენოა — იტალიური საფეხბურთო კლუბი ქალაქ გენუიდან. ერთ-ერთი უძველესი და ტიტულოვანი კლუბი, რომელიც იტალიის საფეხბურთო ლიგის სისტემის უმაღლეს დივიზიონში, სერია A-ში ასპარეზობს. 9-ჯერ მოიპოვა იტალიის ჩემპიონობა და ერთხელ იტალიის თასი. გენუელები დომინირებდნენ იტალიაში სამოყვარულო ჩემპიონატების პერიოდში, 1898–1900 წლებში „გრიფონებმა“ იტალიის ჩემპიონატის პირველ სამ გათამაშებაში გაიმარჯვეს.

ჯენოა

სრული სახელი	Genoa Cricket and Football Club SpA
მეტსახელი	rossoblu (წითელ-ლურჯები) grifone (გრიფონი) vecchio balordo (ბებერი მასხრები)
დაარსდა	7 სექტემბერი, 1893 (1893-09-07)
სტადიონი	ლუიჯი ფერარის სტადიონი, გენუა, იტალია (ტევადობა: 36 536 მაყურებელი)
პრეზიდენტი	ალბერტო ძანგრილო
მწვრთნელი	ალბერტო ჯილარდინო
ლიგა	სერია A
2023–24	მე-11 ადგილი
ძირითადი ფორმა რეზერვის ფორმა მესამე ფორმა

ისტორია

„ჯენოას“ ისტორია 1893 წლიდან იწყება. ის ოფიციალურად 1893 წლის 7 სექტემბერს დაარსდა, როგორც კრიკეტის კლუბი და თავდაპირველად „ჯენოას“ მძლეოსნობისა და კრიკეტის კლუბი ეწოდებოდა. ამ სპორტული საზოგადოების არსებობის პირველ წლებში, მისი წევრები მხოლოდ კრიკეტსა და მძლეოსნობაში გამართულ შეჯიბრებებში იღებდნენ მონაწილეობას. იმ პერიოდში კლუბს უცხოეთიდან ჩამოსული ინგლისელები წარმოადგენდნენ. საფეხბურთო კლუბის სპორტული ცხოვრება კი 4 წლის შემდეგ, 1897 წლის 10 აპრილს დაიწყო, როდესაც ჯეიმს რიჩარდსონ სპენსლიმ (ინგლ. James Richardson Spensley) „ჯენოას“ საფეხბურთო სექცია გახსნა.

1898 წელს „ჯენოას“ საფეხბურთო კლუბმა მონაწილეობა მიიღო იტალიის პირველ ჩემპიონატში. პირველი მატჩი „ტორინოს“ წინააღმდეგ გაიმართა, ამ გამარჯვებით კლუბმა დაიწყო გზა მომდევნო წარმატებებისკენ. ეს გათამაშება „ჯენოას“ გამარჯვებით დასრულდა, როდესაც მათ პირველი ჩემპიონატი მოიგეს. კლუბი ასევე გახდა ჩემპიონი 1899 და 1900 წლებში.

მიღწევები

სერია A

• ჩემპიონი (9): 1898, 1899, 1900, 1902, 1903, 1904, 1914–15, 1922–23, 1923–24

სერია B

• ჩემპიონი (6): 1934–35, 1952–53, 1961–62, 1972–73, 1975–76, 1988–89

სერია C

• ჩემპიონი (1): 1970–71

იტალიის თასი

• თასის მფლობელი: 1936–37
• ფინალისტი: 1939–40

რესურსები ინტერნეტში

ვიკისაწყობში არის გვერდი თემაზე:

ჯენოა (საფეხბურთო კლუბი)

• genoacfc.it — კლუბის ოფიციალური საიტი
• Genoa — სერია A-ს ოფიციალური საიტი
• Genoa CFC — უეფა-ს ოფიციალური საიტი

ფოტო, ვიდეო და აუდიო
TikTok · YouTube