წყალტუბოს მუნიციპალიტეტის გერბი

დეტალები
გვირგვინი	სამკოშკიანი ქონგურებიანი საქალაქო ვერცხლის გვირგვინი

წყალტუბოს მუნიციპალიტეტის გერბი — წყალტუბოს მუნიციპალიტეტის სახელმწიფო სიმბოლო დროშასთან ერთად. მიღებულია წყალტუბოს მუნიციპალიტეტის საკრებულოს მიერ.

აღწერილობა

გერბის ფარი გაკვეთილია და გადაკვეთილი, იყოფა ოთხ ნაწილად.

I ნაწილი — მწვანე ველზე ექვს-კოშკიანი ქონგურებიანი ოქროს ციხე-სიმაგრე, რომელზეც აღმართულია ოქროს ტარიანი ვერცხლის ხორუგვი. ხორუგვზე გამოსახულია მეფე თამარის მეწამული ხელრთვა.
II და III ნაწილი — ლაჟვარდის ველზე ვერცხლის შადრევანი ოქროს სამი წყაროთი.
IV ნაწილი — მწვანე ველზე ოქროს დინოზავრი.

გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით.

ფარს ქვემოთ მოთავსებულია გერბის დევიზის ვერცხლ-მწვანე ბაფთა, რომლის ვერცხლის ველზე შავად ჩაწერილია დევიზი — „წყალტუბო“.

რესურსები ინტერნეტში

წყალტუბოს მუნიციპალიტეტის გერბი და დროშა^{[მკვდარი ბმული]}